Luke 24:30 - Patamuna New Testament Revised

³⁰ Iweleutappù màlà kùyali yapon piyau tok pokonpe, pùlomù pusak yanùmùppù ya, ipùlemappùya. Màlà tùpo ipilipàtùppùya, tok yemyak nen uchi itùpàtùppù ya.

Luke 24:30 ပူးပေါင်းရင်းမြစ်များ

Matthew 14:19

Kappon yamùk weleutatoppe wanak pona Jesus uya yekamappù tok pàk. Màlàyau 5 pan pùlomù pusak molopai asa'lon kon molok yamùk tawon yanùmùppù ya. Tenu tùlùppù ya epùn winàkàik, molopai tenki teppù ya. Pùlomù pusak yamùk pilipàtùppù ya molopai itùlùppù ya ta'lon kon yemyak, molopai ya'lon kon uya itùpàtùppù kappon yamùk yemyak.

Matthew 15:36

Màlàyau 7 pan pùlomù pusak molopai molok tawon yanùmùppù ya, tenki teppù ya, molopai nen uchi ipilipàtùppù ya, molopai ta'lon kon yemyak itùlùppù ya. Molopai ya'lon kon uya kappon yamùk yemyak itùpàtùppù.

Matthew 26:26

Tùuta'lettà kon yau, Jesus uya pùlomù pusak yanùmùppù, Tenki tepe iwàpùlemappù, pùlomù pusak pilikappù ya, molopai itùlùppù ya ta'lon kon yemyak. “Yanùntàk molopai inattàk kon, sàlà màlà uyesak,” teppù ya.

Mark 14:22

Tùuta'lettà kon yau, Jesus uya pùlomù pusak yanùmùppù molopai tenki teppù ya Katù pàk, màlàyau ipilipàtùppù ya tùnenupaton yemyak molopai itùlùppù ya tok yemyak. “Yanùntàk molopai inattàk kon, sàlà màlà upun,” teppù Jesus uya tok pàk.

Mark 6:41

Jesus uya pùlomù pusak yanùmùppù molopai asa'lon kon molok yamùk, tenu tùlùppù ya epùn winàkàik tenki teppù ya Katù pàk. Pùlomù pusak pilipàtùppù ya molopai tùnenupa ton yemyak itùlùppù ya kappon yamùk lepapàttoppe tok uya. Asa'lon kon neken làma molok yamùk yekamùppù ya tok yemyak.

Mark 8:6

“Eleutatàk kon non pona là,” teppù Jesus uya kappon yamùk pàk. Pùlomù pusak yanùmùppù ya, tenki teppù ya Katù pàk, molopai ipilipàtùppù ya. Tùnenupa ton yemyak itùlùppù ya, yekantoppe tok uya. Màlà yekamùppù tok uya.

Luke 22:19

Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma.

Luke 24:29

Tùse tok wechippù iità iche pùla, màlàyau tok uya, “Talà ina piyau we'nàpai, pata uko'mansak man molopai ewalupà pe nenayan,” teppù. Màlàyau iwewomùppù, tok piyau esse.

Luke 24:35

Asa'lon kon kappon yamùk uya nen uchi iwekkussak lùppù asantau molopai Itepulu Jesus ittuppù tùuya'nokon pùlomù pusak pilipàtù ya yau yekamappù tok pàk.

Luke 9:16

Jesus uya mùyak etoikenan eki molopai asa'lon kon molok yamùk tawon yanùmùppù molopai tenu tùlùppù ya epùn winàkàik. Tenki teppù ya Katù pàk màlà yamùk pàk, molopai ipilipàtùppù ya. Molopai itùlùppù ya ta'lon kon yemyak tok uya yekantoppe kappon yamùk yemyak.

John 6:11

Jesus uya pùlomù pusak yanùmùppù, tenki teppù ya Katù pàk, molopai tùnenupa ton yemyak itùlùppù ya kappon yamùk lepatoppe tok uya. Màlà kasa lùppù molok kupùppù ya, molopai tamù'nawolon kon uta'lettàppù iche tùwettok kon kasa.

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Yeunossak kon Wotokoyi 2:46

Tàwàlà là wei kaichalà tok wepilippàtùppù Katù yùwùk tak. Pùlomù pusak pilipàtùppù tok uya tùwùk kon tau molopai kùyali napùppù tok uya tùutauchinpaik molopai tùwanmùla itewan,

Yeunossak kon Wotokoyi 27:35

Sàlà te tùpo, Paul uya pùlomù pusak yanùmùppù tenki teppù ya Katù pàk, tamù'nawàlà tok yemloto po, molopai ipilikappù ya, molopai tùuta'lettà pàk iwessa'molùkappù.