Luke 24:27 - Patamuna New Testament Revised

²⁷ Molopai Jesus uya tok pàk tamù'nawàlà Katù Maimu uselupasak tùpàk lùppù yekamappù màlà tok pàk, iweppyattàppù màlà Moses kaletayi yamùk motapai molopai tamù'nawàlà Katù Maimu yenpoikannan nùmenukappù pùkkù yak.

Luke 24:27 ပူးပေါင်းရင်းမြစ်များ

Mark 4:34

Panton yai pùla là kappon yamùk yelupappù ya pen màlà. Tùse tùnenupa ton pàk neken nen uchi suwa te uya pe iwechi màlà tepàtùppù ya.

Luke 24:25

Màlàyau Jesus uya tok pàk, “Pakko pe messatàik, asse'ne ailon tawonn pe pùla messatìk Katù Maimu yenpoikannan nekamappù pàk!

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

John 1:45

Philip uya Nathanael yepoloppù, “Moses uya imenukappù ipàk Law yau molopai Katù Maimu yenpoikannan uya imenukappù ipàk. Mùkkàlà yeposak ina uya man. Mùkkàlà Jesus, Nazareth pon, Joseph mumu,” teppù ya.

John 12:41

Sàlà yamùk teppù Isaiah uya màlà masapùla Jesus yapulàtok yensak tùuya pàk, molopai ipàk ichelupappù.

John 5:37

Molopai Ukàipùnù uyeuno'nàippù uya uyekamasak màlà tùmàlà pe. Tùse imaimu yetasak là auya'nokon pùla man, intenpata yensak là auya'nokon pùla.

John 5:39

Wakù pe Katù Maimu pàk eusenupa kon, masapùla màlà winà là tàwàlàlà wema'nàtok yepolo auya'nokon yeselùkek ittu auya'nokon pàk. Molopai sàlà yamùk Katù Maimu uselupasak màlà upàk.

Yeunossak kon Wotokoyi 10:43

Tamù'nawàlà Katù Maimu yenpoikannan uselupasak màlà ipàk, ànù'là ailon tawon ipàk uya màlà usentuppantok tùmakuyi pàk yepolo itesek yapàikketù yai,” teppù Peter uya tok pàk.

Yeunossak kon Wotokoyi 3:18

Katù uya pùsàlà tùneunokoppù wettalumattàtok woton yekamappù màlà pena tùmaimu yenpoikannan winà. Molopai ailon pe màlà kasa iwekkuttoppe ikupùppù ya.

Yeunossak kon Wotokoyi 3:22

Masapùla Moses uya, ‘Itepulu Akatùyi uya tùmaimu yenpoikanài pùmùssakka màlà ukasa. Mùkkàlà wechi màlà àklottawon' nokon pe. Metatàik tamù'nawàlà inekama.

Yeunossak kon Wotokoyi 3:24

Molopai tamù'nawàlà Katù Maimu yenpoikannan, Samuel molopai mùkyamlo ite'mappù pàk iyàssak kon nùssan, itekale yepoikannan uya sàlà yattai nekkusai'nùk yekamappù màlà.

Yeunossak kon Wotokoyi 7:37

Moses mùkkàlà kappon yamùk Israel pon kon pàk, ‘Katù uya màlà tùmaimu yenpoikanài yeunoko apyakù'nokon uyeunossak tùuya nai'nùk kasa, àtonpa kon kùlottapai,’ tawon nùppù.

Yeunossak kon Wotokoyi 8:35

Philip wessamolùkappù tùuselupa pàk; sàlà Katù Maimu Isaiah kaletayi yawon yapai tùpyattàse, Wakù Jesus yekale yekamappù ya màlà ipàk.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.