Luke 22:66 - Patamuna New Testament Revised

⁶⁶ Iwemassak yau, eke ton tùnamasan Jew yamùk, paatele yamùk yepulu ton, molopai Law pàk enupannan tawonnan wepilipùppù, molopai Jesus nepùppù màlà pùsamlo itepulu yamùk yemlotopona.

Luke 22:66 ပူးပေါင်းရင်းမြစ်များ

Matthew 27:1

Ko'làma kulu tamù'nawolon kon paatele yamùk molopai tùnamasan Jew yamùk uya yà'là pe là Jesus kuttok tùuya'nokon konekappù, iwàtoppe.

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Mark 15:1

Màlàyau ko'làma kulu paatele yamùk yepulu ton, eke ton, Law pàk enupannan, molopai tamù'nawàlà Jew yamùk Yepulu ton pokonpe tok wepilipùppù eselupaik yà'là pe là Jesus kuttok tùuya'nokon pàk. Màlàyau Jesus yaulopàtùppù tok uya molopai tok uya yalàppù Pilate piyak.

John 18:28

Màlàyau Jew yamùk uya Jesus yalàppù Caiaphas piyapai Roman Kopùnayi pata yak. Ko'làma iwechippù màlà, Jew yamùk wewomùppù tapùi tak pen màlà, masapùla wakù pe teselu kon yawà eppai tok wechippù Usentaka'nàppà yattai Uta'lettàntok pàk tùuta'lettàtok kon pe.

Yeunossak kon Wotokoyi 22:5

Eke kulu paatele molopai Jew yamùk Yepulu yamùk uya yekama màlà àpàkù'nokon ailon pe uselupa. Kaleta menukasak yamùk yepoloppù uya màlà tok winàpai, Jew yamùk ailon tawonnan Jesus pàk Damascus pon kon piyak. Màlàpàk utàppù miyalà Damascus pona tok yachise tok nettoppe Jerusalem pona tok taulonpàsse, tok talumattà toppe,” tukaik.