Luke 21:37 - Patamuna New Testament Revised

³⁷ Jesus uko'manpàtùppù màlà Katù yùwùk tau kappon yamùk yenupa pàk, molopai ko'man pe iwenasak yau iitàpàtùppù Olives Tùpù pona, molo esse ewalupàttau.

Luke 21:37 ပူးပေါင်းရင်းမြစ်များ

Matthew 21:1

Jerusalem winàkàik tùuyàpù kon pe, Jesus molopai ya'lon kon uyàpùppù màlà Bethphage Olives Tùpù motawon pata motak. Molo Jesus uya asa'là ta'lon kon yeunokoppù wapiya.

Matthew 21:17

Jesus uya tok nàmàppù, molopai iitàppù pata poi Bethany pona, màlà yailà pata tùlùppù ya.

Matthew 26:30

Molopai nen uchi elen pàk tok uselenpappù molopai tok utàppù Olive Tùpù pona.

Matthew 26:55

Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Mark 11:12

Iwemassak pe Bethany poi tùwennappo kon yau, Jesus wapùkkassak wechippù.

Mark 11:19

Ko'man pe iwenasak yau Jesus molopai inenupa ton utàppù, màlà pata yapai.

Mark 14:49

“Wei kaichalà apyau'nokon wechippù Katù yùwùk tau eyenupa kon pàk, tùse uyachi auya'nokon pùn. Tùse sàlà wekkupù màlà Katù Maimu we'menukasak nai'nùk kasa,” teppù Jesus uya.

Luke 19:29

Mei pùla là pata yamùk Bethphage molopai Bethany tawonnan piyau tùwechi Wùk Olive itesek po yau, Jesus uya asa'là ta'lon kon yeunokoppù tùwapiya.

Luke 19:37

Jerusalem piyau mei pùla, pata Olive Tùpù yai asanta uttàtok motau iwechi tùse, tukkan kon ya'lon kon wessamolùkappù Katù pàk tenki te pàk. Tok uya yapulàppù eke pe tùwentaimese, tamù'nawolon eke ton tùnenessan' nokon pàk.

Luke 19:47

Jesus uya kappon yamùk yenupappù màlà Katù yùwùk tau wei kaichalà. Tùse paatele yamùk yepulu ton, Law pàk enupannan, molopai kappon yamùk yennài nan wechippù màlà ànwàpai.

Luke 22:39

Jesus utàppù màlà tùwessek kasa là wùk, Olives Tùpù pona molopai ya'lon kon utàppù ya'là.

John 12:1

6 pe wei Usentaka'nàppà yattai Uta'lettàntok wapiya, Jesus utàppù Bethany pona. Lazarus welichak wuluukappù tùuya yak.

John 18:2

Judas, Jesus yeimipponàippù uya màlà patassek ittuppù, masapùla màlà motau Jesus uya tùnenupa ton yepopàssek pàk.

Yeunossak kon Wotokoyi 1:12

Màlàyau tok wennapoppù Jerusalem pona wùk Olive Tùpù poi. Sàlà wùk wechippù màlà mei kulu pùla Jerusalem poi, wàlàkka'nàtok yattai usanàtok kaichalà.