Luke 20:47 - Patamuna New Testament Revised

⁴⁷ Itayappù iwelichak lùssan patassek yama'man nan mùkyamlo. Kusan pe nàlà tùwàpùlemasan kappon yamùk uya neken tentok kon pe. Pùsamlo talumattàtok wechi màlà eke pe kulu,” tukaik nàlà ta'lon kon panattàppù ya.

Luke 20:47 ပူးပေါင်းရင်းမြစ်များ

Matthew 23:13

“Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.

Matthew 23:14

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Itayappù iwelichak kon yemamin molopai tok patassek mokkannan. Molopai nàlà kusan pe tùwàpùlemasan amyamlo, kappon yamùk uya neken yentoppe. Sàlà wenai atalumattàtok kon wechi màlà àsà peiwa.

Mark 12:40

Itayappù iwelichak lùppù yùwùk mokkan nan mùkyamlo, kusan pe tùwàpùlemassan wakù pe tùwechi kon pe tukaik. Tok uya màlà eke kulu wettalumattàntok yepolo,” teppù Jesus uya.

Luke 12:1

Tukke kappon yamùk wepilichak molopai tok uselemluku echipona tùse, Jesus uya wapiya wateppù ta'lon kon pàk, “Elannek pe ettàk kon Pharisee yamùk so'liyi pàk, tok usennakatok pàk wa te uya màlà,” teppù.

Luke 20:46

“Elannek pe ettàk kon Law pàk enupan nan pàk. Asapai nokon mùkyamlo kusan tùpon kon yau. ‘Wakù pe na'messan?’ te tùnama kon pe iche tùwessan makiti tau. Wakù kulu aponnok yanùnnài nan mùkyamlo wepili'nàtok itak tau. Wakù nàlà patassek yanùnnài nan mùkyamlo uta'lettàntok yau.

Luke 21:1

Yene tùuya yau Jesus uya mamin yesak ton uya tùwe'lepatok kon tùlù pùlayatta yen yak yeneppù.

1 Thessalonians 2:5

Mùttuyatàik nàlà nen wakù ton nà mayin ke kappon yapulà pe tukaik là ina usennaka pùn Katù wechi màlà ina yekamanài pe molopai ina yennài pe tùuseka'nonkaik là ina wettok wapu woton pùla iwechi.

Titus 1:16

Tok uya, “Katù ittunài Iulà,” te màlà; tùse tok welaikatok uya yenpoika pùla iwechi màlà. Akùlù ton mùkyamlo, molopai mayin yawolon kon pen, wakù ku'nàinan pe tok wechi pùla iwechi.

James 3:1

Utonpa yamùk! Elanneppe ettàk kon tukke kulu là enupannan pe eppai kettàu, masapùla mùttuyatàik ina enupannan ittutok wechi màlà àsà pe lùiwa tùulon kon yentai.