Luke 20:46 - Patamuna New Testament Revised

⁴⁶ “Elannek pe ettàk kon Law pàk enupan nan pàk. Asapai nokon mùkyamlo kusan tùpon kon yau. ‘Wakù pe na'messan?’ te tùnama kon pe iche tùwessan makiti tau. Wakù kulu aponnok yanùnnài nan mùkyamlo wepili'nàtok itak tau. Wakù nàlà patassek yanùnnài nan mùkyamlo uta'lettàntok yau.

Luke 20:46 ပူးပေါင်းရင်းမြစ်များ

Matthew 16:6

Jesus uya tok pàk, “Tùttuik ettàk kon Pharisee yamùk molopai Sadducee yamùk uya pùlomù yapuluwetanùttok pàk,” teppù.

Matthew 23:1

Màlàyau Jesus uya tukkan kon kappon yamùk, molopai ta'lon kon yelupappù.

Mark 8:15

Jesus uya tok panamappù, “Tùttuik kan mettàik tà nalippe, Pharisee yamùk molopai Herod tawonnan yeselu pàk so'li konekanài nan pàk. Mùkyamlo yeselu (so'li pe) amattanùttakù'nokon,” tukaik.

Luke 11:43

“Àsà pe iwechi màlà àpona'nokon Pharisee yamùk! Eke ton yapon pe ikussak iwakùli ton amyamlo wepili'nàtok itak tau. Molopai atta messatàu te ichelok kon anama kon pe, makitti tau.

Luke 12:1

Tukke kappon yamùk wepilichak molopai tok uselemluku echipona tùse, Jesus uya wapiya wateppù ta'lon kon pàk, “Elannek pe ettàk kon Pharisee yamùk so'liyi pàk, tok usennakatok pàk wa te uya màlà,” teppù.

Luke 14:7

Jesus uya ikà'masak kon uya wakù kulu patassek yanùmù yeneppù. Màlàpàk sàlà panton yekamappù ya tok pàk.

Luke 20:47

Itayappù iwelichak lùssan patassek yama'man nan mùkyamlo. Kusan pe nàlà tùwàpùlemasan kappon yamùk uya neken tentok kon pe. Pùsamlo talumattàtok wechi màlà eke pe kulu,” tukaik nàlà ta'lon kon panattàppù ya.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

2 Timothy 4:15

Elannek pe ekkà ipàk, masapùla àsà pe iwechi màlà kùnekama Wakù Itekale winàkàik.

3 John 1:9

Tokkwen kaleta tùmenukatai sochi tawon kon piyak, tùse Diotrephes, tok yesappe eppai tùwessen, wechi uselupa enetapai pùla màlà.