Luke 2:47 - Patamuna New Testament Revised

⁴⁷ Tamù'nawolon kon yetan nan usenumenkappù kulu màlà ittu ya molopai ikasa mayin yeippàtù ya pàk.

Luke 2:47 ပူးပေါင်းရင်းမြစ်များ

Matthew 13:54

Molopai iwennappoppù màlà tùpata yak. Molo kappon yamùk yenupappù ya tok wepilittok itak tau, molopai mùkyamlo iichelupa yetannannùssan usenumenkasak wechippù màlà. “I'nailà pai ken uchi tùpukketù yepoloppù ya? Molopai yà'là yekkwa ken uchi màlà inkupù tùwekkussen yek ton pen?” tukaik tok usekamappoppù tùyiwalà'nokon.

Matthew 22:33

Sàlà yetasak tùuya'nokon yau tukkan kon kappon yamùk usenumenkasak wechippù màlà enupantok ya pàk.

Matthew 7:28

Jesus wenukapùppù màlà sàlà yamùk pàk tùuselupa pàk, molopai tukkan kon kappon yamùk usenumenkasak kulu wechippù màlà kappon yamùk yenupasak ya pàk.

Mark 1:22

Tok usenumenkappù kulu màlà i'napailà tenupa kon ya pàk. Masapùla tok yenupappù ya Law pàk enupan nan kasa pùla. Tùse tok yenupappù ya tapàikettù kenan kasa molopai ittunài pe.

Mark 11:18

Eke ton paatele yamùk molopai Law pàk enupannan uya yetappù. Màlàyau iwàtok tùuya'nokon iwinà woton ituiche tok wechippù. Tok usenalippappù ipàk masapùla tukkan kappon yamùk yenumenkasak wakù pe enupantok ya uya pàk.

Mark 6:2

Wàlàkka'nà weyu yattai, Jesus uya tok yenupappù synagogue tau. Tukke kappon yamùk wechippù màlà molo. Molopai yetasak tùuya'nokon yau tok usenumenkappù kulu màlà. “I'nai motau là ken uchi tamù'nawolon sàlà yamùk yepotai?” teppù tok uya. “Yà'là yekkwa ken uchi sàlà ittutok ke ilepasak nai'nùk? Tensan yekkwa pen nà kuttoppe ya,” teppù tok uya.

Luke 2:18

Molopai mùkyamlo yetan nan nùssan usenumenkappù kulu màlà tok nekamappù pàk.

Luke 2:46

Icholùwano wei yattai tok uya Jesus yepoloppù Katù Yùwùk tau, chichiu pe enupannan pokonpe, tok yeta pàk molopai tok yekamappopàtù pàk.

Luke 4:22

Molopai tamù'nawolon kon uselupappù wakù pe màlà ipàk. Molopai tok usenumenkappù wakù mayin iichelupappù lùppù pàk. Tok uya, “Joseph mumu pen ken na' mùkkàlà?” teppù.

Luke 4:32

Tamù'nawolon kon usenumenkappù màlà enupantok ya yeselu pàk, masapùla imaimu wechi apàikkek pe pàk.

John 7:15

Jew yamùk usenumenkappù kulu, màlàyau tok uya, “Yà'là kasa kulu ken pùsàlà màlà yamùk ittuyan tùusenupa tùpo pùla?” teppù.

John 7:46

Achinài nan uya tok maimu yeikuppù, “Ànù'là uselupasak pùsàlà kàyik kasa pùla man,” tukaik.