Luke 19:47 - Patamuna New Testament Revised

⁴⁷ Jesus uya kappon yamùk yenupappù màlà Katù yùwùk tau wei kaichalà. Tùse paatele yamùk yepulu ton, Law pàk enupannan, molopai kappon yamùk yennài nan wechippù màlà ànwàpai.

Luke 19:47 ပူးပေါင်းရင်းမြစ်များ

Matthew 21:23

Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Matthew 26:55

Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Mark 11:18

Eke ton paatele yamùk molopai Law pàk enupannan uya yetappù. Màlàyau iwàtok tùuya'nokon iwinà woton ituiche tok wechippù. Tok usenalippappù ipàk masapùla tukkan kappon yamùk yenumenkasak wakù pe enupantok ya uya pàk.

Mark 12:12

Jew yamùk yepulu yamùk wechippù màlà Jesus yachiiche. Masapùla sàlà panton yekama ya tùwinàkài'nokon ittusak tùuya'nokon pàk. Tùse tok usenalippappù màlà ilinà kappon yamùk pàk. Màlàpàk tok utàppù nen uchi iwinàpai.

Mark 14:1

Asa'là neken wei wechippù màlà, Usentakantok molopai Iwapuluwetasak pen pùlomù pusak pàk Uta'lettàntok weyu wapiya. paatele yamùk yepulu ton molopai Law pàk enupannan wechippù Jesus yachitok tùuya'nokon ittuiche amak yai kappon yamùk uya ittu pùla, iwàtoppe tùuya'nokon.

Mark 14:49

“Wei kaichalà apyau'nokon wechippù Katù yùwùk tau eyenupa kon pàk, tùse uyachi auya'nokon pùn. Tùse sàlà wekkupù màlà Katù Maimu we'menukasak nai'nùk kasa,” teppù Jesus uya.

Luke 19:48

Tùse yà'là kasa là ikuttok tùuya'nokon yepolo tok uya pùla iwechippù, masapùla tamù'nawolon kon kappon yamùk wechippù màlà iichelupa yeta pàk.

Luke 20:19

Law pàk enupannan molopai paatele yamùk yepulu ton wechippù màlà Jesus anachipai. Masapùla sàlà panton yekamasak ya tùwinàkài'nokon ittusak tùuya'nokon pàk, tùse tok usenalipappù kappon yamùk pàk.

John 10:39

Tok wechippù tukka yachiiche, tùse iwepeppù tok uya yachi pùla.

John 18:20

Jesus uya imaimu yeikuppù, “Uselupasak man ayupo wolù uya yeta tùse. Tàwàlàlà tok yenupappù uya màlà Jew yamùk wepilittok itak tau. Molopai Katù yùwùk tau, tamù'nawàlà Jew yamùk wepilittok yau, molopai uselupasak man amak yai pùla.

John 7:19

Moses uya kenna' law tùlùppù eyemyakù'nokon pen? Ànù'là uya amyamlo kùlottau ikupù pùla man. Yà'là pe ken iwechi pàk uwànàiche ewechi kon nai'nùk?” teppù Jesus uya.

John 7:44

Tùulon kon wechippù anachipai tùse ànù'là uya temyatù tùlùppù ipàk pen.