Luke 19:38 - Patamuna New Testament Revised

³⁸ “Ipùlemasak mùkkàlà kin Itepulu yesek yau tùuyàssen! Wàlàkka'nàtok Epùn pon molopai Katù yapulàtok!” tukaik.

Luke 19:38 ပူးပေါင်းရင်းမြစ်များ

Matthew 2:2

{“I'nai ken uchi mùkkàlà mule iwentusa'lùppù Jew yamùk kinù pe? Ichilùkàyi yentai ina wei wepakkatok winà molopai ina uyàssak sàlà yapulàse,” tukaik.

Matthew 21:9

Tukkan kon kappon yamùk Jesus wapiya, molopai ite'mappù pàk tùutàssan wessa'molùkappù màlà tùwentaime kon pàk, “David Mumu yapulàtàk kon! Mùkkàlà nùyàssai'nùk Itepulu yesek yau yapulà tàk! Katù yapulà tàk!” tukaik.

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Matthew 25:40

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

Luke 13:35

Sàlà pe apatassek kon nonka uya nen uchi màlà tamù'nawàlà. Uyene auya'nokon pen nen uchi màlà, ‘Tàwà Katù mùkkàlà tùuyàssen Itepulu yesek yau yapulài tetok auya'nokon yattai uyàpù ponalà ukayaik àpàkù'nokon,” teppù Jesus uya. {PSA 118.26}

Romans 5:1

Ailon tetok kùuya'nokon uya ikasa kùkonekasak kon Katù pokonpe pàk nen uchi, echitonpa pe we'nàtok Katù pokonpe yesappe we'nà'nokon sàlà kùyepulu Jesus Christ yai.

Ephesians 1:12

Sàlà kupùppù ya màlà ina Jew yamùk uya Katù namatok nettoppe iponaloppe molopai wapiya kulu enpen we'nàtok yeponnanùssan pe Christ pàkànsau!

Ephesians 1:6

Katù yapulàpai'nokon uchi man wakù kulu usentuppantok Katù winàpaino tenumenkaik, Tùmu tù'nùn pe tùnkupù ke lepantok ya tense!

Ephesians 3:10

sàlà pe, sochi tawon kon yai, Katù pukketù tùpatalo'nan yekamattoppe inchelù yamùk pàk itepulu ton molopai apàikketton epùn yawolon kon pàk.

Ephesians 3:21

Tàwàichi Katù yapulài sochi, Christ Jesus yau, tachin pe, tàwàlàlà molopai tàwàlàlà. Emen.

Colossians 1:20

Tùmu yai nen uchi, Katù uya tamù'nawolon yà'làlà nepù tùuya tùpyak pàk, echitonpa pe we'nàtok konekappù màlà Tùmu welikù pulusuk po winà. Molopai màlà kasa nen uchi tamù'nawolon yà'làlà nepùppù ya imùnù yai tùpyak, asakklàma non po molopai epùn po nàlà.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.