Luke 19:14 - Patamuna New Testament Revised

¹⁴ Ipatassek yawon kon uya yeya'nomappù màlà, màlàpàk tok uya tùmaimu kon yekaman nan yeunokoppù ite'mappù pàk, ‘Pùsàlà kàyik wechi ina kin pe iche pùla ina man,’ tukaik.

Luke 19:14 ပူးပေါင်းရင်းမြစ်များ

Luke 14:32

Meluntà pe pùla tùwechi yau, tùmaimu yekaman nan yeunoko ya màlà tùulon kin wakkàsse, mei lùppù iwechi tùse echitonpa pe we'nàtok yennase ipàk.

Luke 19:13

Pata nàmà tùuya wapiya 10 pan kon tapyoto yamùk kà'mappù ya, molopai tok lepappù ya tewin pàk kolù pun ke, tok pàk, ‘Masa yà'là kaichalà là yepolo auya'nokon sàlà ke upatappù yau mùttutàik,’ teppù ya.

Luke 19:15

“Tùnamasen kàyik mappù màlà kin pe, molopai iwennapoppù. Asse'ne tapyoto yamùk pùlayatta tùlùppù tùuya itemyak lùssan uyàtoppe tùpyak tok kà'mappù ya màlà, yà'là kaichalà là yeposak tok uya yentoppe tùuya.

Luke 19:27

Pùsamlo uyeyaton non tùmàlà'nokon kin pe uyiche pùla iwessak kon nùssan inettàk kon sà motak. Molopai tok iwàtàk kon uyemloto po!’ teppù ya,” tukaik.

John 1:11

Tùnkonekappù wolù pona iyàpùppù màlà, tùtonpa yamùk kùlottak, tùse itonpa yamùk uya yanùmù pùla iwechippù.

John 15:18

“Sàlà wolù yawon kon uya tewanma kon pe àkupù kon yau, ittutàk kon tewanma kon pe nàlà tok uya ukupùpù wapiya.