Luke 18:38 - Patamuna New Testament Revised

³⁸ Iwentaimeppù eke pe, “Jesus! David mumu, upàk tàwà esentuppakà!” tukaik.

Luke 18:38 ပူးပေါင်းရင်းမြစ်များ

Matthew 12:23

Tamù'nawàlà kappon yamùk usenumenkasak wechippù màlà, Jesus nùkupùppù pàk. “David mumu làichi pùsàlà?” tukaik tok usekamappoppù.

Matthew 15:22

Canaan pon nossan màlà pata yau tùwemassen uyàpùppù màlà ipyak, “Uyepulu, David Mumu, upàk tàwà esentuppakà! Uyema'nomù yau àli akkwalù man molopai àsà pe kulu man,” teppù ya.

Matthew 21:15

Eke ton paatele yamùk yepulu molopai Law pàk enupannan we'naikappù màlà, wakù ton kupù ya yensak tùuya'nokon yau, molopai mule yamùk wentaimepàtù Katù yùwùk tau, “David Mumu yapulàtàk!” tukaik pàk.

Matthew 21:9

Tukkan kon kappon yamùk Jesus wapiya, molopai ite'mappù pàk tùutàssan wessa'molùkappù màlà tùwentaime kon pàk, “David Mumu yapulàtàk kon! Mùkkàlà nùyàssai'nùk Itepulu yesek yau yapulà tàk! Katù yapulà tàk!” tukaik.

Matthew 9:27

Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Luke 18:37

“Jesus, Nazareth pon, pata yentakayan,” teppù tok uya ipàk.

Luke 18:39

Kappon yamùk itemloto pon kon uya yàulàmappù, “Eppana ekkà,” teppù tok uya ipàk. Tùse iwentaimeppù eke peiwa nen uchi, “David Mumu! Upàk tàwà esentuppakà!” tukaik.

Romans 1:3

Sàlà Wakù Itekale màlà Imu, kùyepulu kon Jesus Christ yekale. Kappon pe tùwechi yau David pa pe iwechippù.

Revelation 22:16

“Iulà Jesus uya, uyinchelùyi yeunossak nai'nùk sàlà yamùk yekamase àpàkù'nokon sochi yamùk tau. David pa Iulà, akkwa Ko'làmalok Kaiwonok, Iulà,” teppù Jesus uya.