Luke 18:37 - Patamuna New Testament Revised

³⁷ “Jesus, Nazareth pon, pata yentakayan,” teppù tok uya ipàk.

Luke 18:37 ပူးပေါင်းရင်းမြစ်များ

Matthew 2:23

Tùpata konekappù ya màlà Nazareth po. Sàlà kupùppù ya màlà Katù Maimu yenpoikannan uya, màlà kasa iwechi màlà teppù kasa. “Nazarene pe yesatù màlà,” tawon.

Luke 18:36

Tukkan kon kappon yamùk utà yeta tùuya yau, kàyik uya tok yekamappoppù, “Yà'là ken nai'nùk?” tukaik.

Luke 18:38

Iwentaimeppù eke pe, “Jesus! David mumu, upàk tàwà esentuppakà!” tukaik.

Luke 2:51

Màlàyau Jesus wennapoppù tok ya'là Nazareth pona. Màlà motau tok maimu yawàlà iwechippù. Ichan uya tamù'nawàlà sàlà yamùk kupùppù tewan yau.

John 1:45

Philip uya Nathanael yepoloppù, “Moses uya imenukappù ipàk Law yau molopai Katù Maimu yenpoikannan uya imenukappù ipàk. Mùkkàlà yeposak ina uya man. Mùkkàlà Jesus, Nazareth pon, Joseph mumu,” teppù ya.

John 19:19

Pilate uya, “Jesus Nazareth pon, Jew yamùk Kinù,” tukaik imenukasak lùppù tùlùppù pulusuk pona.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

Yeunossak kon Wotokoyi 4:10

Ittutàk kon, molopai tàwà tamù'nawàlà kappon tamùk Israel pon kon nùttui, pùsàlà kàyik wechi satippe eyemloto kon po tamù'nawàlà ichipittàsak Jesus Christ Nazareth pon yesek meluntàlù yai, mùkkàlà ànpukapàtùppù kon pulusuk pona, molopai Katù nùwuluukappù weli'nàtok yapai.

2 Corinthians 6:2

Imasa Katù uselupatok, “Iche wettok yattai eyetappù kon uya àpùikattà kon uya iche ewechi kon yattai, àpùikattàppù kon uya,” tukaik. {Isa 49.8} Àpàkù'nokon tekamayaik, sàlàichi màlà yanùnntok yattai, sàlàichi màlà wepùikattàntok weyu!