Luke 18:32 - Patamuna New Testament Revised

³² Jew yamùk pen yemyak itùlù màlà. Mùkyamlo wàkklà màlà italumattà pe. Imotùnpa tok uya màlà, molopai tok wetattapàtù màlà ipona.

Luke 18:32 ပူးပေါင်းရင်းမြစ်များ

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Matthew 20:19

Molopai nen uchi itùlù màlà tùulon kon kappon yamùk Jew yamùk pen yemyak, tok wàkklà màlà ipàk italumattà pe. Tok uya ippoppàtù màlà, molopai tok uya ipukapàtù màlà pulusuk pona. Molopai nen uchi icholùwano wei yattai iwuluuka màlà wema'nàtok yak,” tukaik.

Matthew 22:6

Tùulon kon uya kin yapyoto ton yachippù. Àsà pe tok talumattàppù molopai tok wànàppù.

Matthew 26:67

Màlàyau nen uchi tok wetattapàtùppù itenpata pona. Molopai tok uya ippoppàtùppù, molopai inta'monnannùssan uya,

Matthew 27:2

Jesus yaulomùppù tok uya màlà. Tok uya yalàppù molopai Pilate, kopùna pe tùwessen, yemyak tok uya itùlùppù màlà.

Mark 14:65

Màlàyau tùulon kon wetattapàtùppù ipona, molopai tok uya itenpata waputtàppù pon pùkkùlùppù ke molopai tok uya iwàpàtùppù temyatù kon ke. “Ànùk ken àwànài? Yenpoikakà!” teppù tok uya ipàk. Molopai achinnan uya yalàppù molopai itenpata yai tok uya iwàpàtùppù.

Mark 15:1

Màlàyau ko'làma kulu paatele yamùk yepulu ton, eke ton, Law pàk enupannan, molopai tamù'nawàlà Jew yamùk Yepulu ton pokonpe tok wepilipùppù eselupaik yà'là pe là Jesus kuttok tùuya'nokon pàk. Màlàyau Jesus yaulopàtùppù tok uya molopai tok uya yalàppù Pilate piyak.

Luke 18:33

Tok uya ippoppàtù màlà molopai iwànà màlà, tùse icholùwano wei yattai iwuluuka màlà,” teppù.

Luke 23:1

Tamù'nawàlà tukkan kon kappon yamùk we'wuluukappù molopai Jesus yalàppù tok uya Pilate yemlotopona.

Luke 23:11

Herod molopai ichoichayi yamùk wàkklàppù màlà Jesus pàk, tok uya imottùnpappù. Molopai wakù pon yak tok uya ipontàppù molopai Pilate piyak tok uya yeunotukkappù.

Luke 23:35

Kappon yamùk wechippù màlà satippe yene pàk, Jew yamùk yennài nan wàkklà Jesus talumattà pe tùse. “Tùulon kon pùikattànài ku mùkkàlà, tàwàichi nepùikattài, Katù nanùmùppù pe, molopai Christ pe tùwechi yau!” tukaik.

John 18:22

Jesus uya wa tesak yau, tewinan nà ennàinan tonpa uya Jesus mùta'moppù, “Màlà kasa ken na' uchi Eke kulu paatele yamùk yepulu maimu yeiku auya màlà?” tei'ma.

John 18:28

Màlàyau Jew yamùk uya Jesus yalàppù Caiaphas piyapai Roman Kopùnayi pata yak. Ko'làma iwechippù màlà, Jew yamùk wewomùppù tapùi tak pen màlà, masapùla wakù pe teselu kon yawà eppai tok wechippù Usentaka'nàppà yattai Uta'lettàntok pàk tùuta'lettàtok kon pe.

John 18:30

Màlàyau tok uya ipàk, “Àli ku'nàippù pe pùla iwessak yau, ina uya sàlà apyak inepùppù pen eppaino,” teppù.

John 18:32

Sàlà wekupùppù màlà yà'là yekkwa là weli'nàtok yau tùwelittok yekamappù Jesus uya kasa iwekkuttoppe.

John 18:35

Pilate uya imaimu yeikuppù, “Jew na' Iulà?” tukaik. “Atonpa yamùk molopai paatele yamùk yepulu yamùk uya màlà uyemyak àtùsak. Yà'là mùkuttai?” tukaik.

Yeunossak kon Wotokoyi 2:23

Katù uya sà kasa wak nechiitta tetok tùuya yau, molopai ittutok tùuya yau, Jesus tùlùppù eyemyakù'nokon. Molopai iwànàppù auya'nokon, àli ton kappon yamùk uya tàwà ipukapàttoppe pulusuk pona ikupùppù auya'nokon.

Yeunossak kon Wotokoyi 3:13

Abraham Katùyi, Isaac Katùyi, molopai Jacob Katùyi, ina tamo yamùk Katùyi uya, wakù apulàntok tùsak sàlà tapyoto Jesus yemyak. Pùsàlà tùlùppù auya'nokon itepulu yamùk yemyak, inulunpappù auya'nokon Pilate yemloto po, inonka pàk lànen iwekkussak tùse.