Luke 18:22 - Patamuna New Testament Revised

²² Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Luke 18:22 ပူးပေါင်းရင်းမြစ်များ

Matthew 19:21

Jesus uya ipàk, “Wakù pe, ikasa kulu eppai ewechi yau, itàkà molopai tamù'nawolon itesappe ewettok ichilanmata, molopai entuppa'nokon mùlepaik molopai nen uchi mamin yamùk yesappe ewechi màlà epùn po. Molopai uya'là àikkà,” teppù.

Luke 10:42

Tùse tewinan nà molo man iche kulu we'nàtok. Mary uya iwalai yanùnsak man molopai imokka là iwinàpài pen màlà,” tukaik.

Luke 12:33

Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Luke 18:21

Kàyik uya yeikuppù, “Mulek wechippù motapai tamù'nawàlà sàlà yamùk enupantok maimu yawàlà wessak man,” tukaik.

Luke 18:23

Tùse sàlà yetasak tùuya yau, kàyik uwankono'mappù kulu màlà masapùla tukke kulu mamin yesappe iwechippù màlà.

Luke 9:23

Màlàyau tamù'nawolon kon pàk, “Ànù’là wechi uya'là àippai yau tàwà tùwettalumattàtok yanùmùi, molopai uya'là nùyàpùi.

Philippians 3:13

Ewaik, utonpa yamùk, yepokassak uya pe uchittu pùla man. Tùse tewinannà ku'nài Iulà, màlà unpoi winà nai'nùk puttàka'nùpù uya molopai tamù'nawolon unùttu kupù uya uyemloto pon yepotoppe uya.

2 Peter 3:8

Tùse sàlà tewinan nà kùputtàka'nùttàu, utonpa yamùk! Tewinan wei màlà 1000 pan kilichimochi yekkwa Itepulu Katù yenu yau; sàlà yamùk wechi màlà ekkaichalà ipona.