Luke 17:6 - Patamuna New Testament Revised

⁶ Itepulu uya yeikuppù, “Ailon tetok auya'nokon wechi mustard yenappà kaichalà yau, sàlà kùyali yek pàk, ‘Ekalakakà, akala pokonpe molopai àppànkà palau kak!’ te auya'nokon sàlà eppaino molopai amaimu kon yawàlà iwechi,” tukaik yeikuppù ya.

Luke 17:6 ပူးပေါင်းရင်းမြစ်များ

Matthew 14:29

“Àikkàichi!” tukaik Jesus uya yeikuppù. Peter uttàppù màlà kanau yapai tuna pona, molopai iitàppù tuna polo Jesus piyak.

Matthew 17:20

“Ailon tetok auya'nokon ma'le iwechi pàk. Ailon kulu sàlà, ailon tetok yesappe ewechi kon mustard yenappà kasa là yau, sà wùk pàk, ‘Sàlà motapai itàkà motak,’ te auya'nokon, molopai iità. Yà'làlà kupù auya' nokon!

Matthew 21:21

Jesus uya tok yeikuppù “Ailon kulu sàlà, ailon te auya'nokon, kasei tukaik pùla yau, tùkuppàssai'nùk sàlà fig yek pàk kupù auya'nokon màlà, sàlà neken pen. Sàlà wùk pàk nàlà lànen, ‘E'wuluukakà molopai epukakà palau kak,’ te auya'nokon, molopai iwekkupù màlà.

Mark 4:31

“Sà kasa iwechi màlà. Kappon uya là elekwà lùkwà kulu mustard itesek yenappà yepolo molopai ipàmà ya. Elekwà yà'là yekkwa là kùyali yenappà ma'lan.

Mark 9:23

“Ikupù auya yau, tamù'nawolon wekkupù mà màlà tà, ailon tawon ponaloppe,” teppù Jesus uya.

Luke 13:19

Pùmùi yenappà walai mustard itesek kasa iwechi màlà, kàyik nalàppù molopai inpàmàppù tù'mà yau kasa. Ipàsak wattappù molopai yei pe iwenappù, molopai tolon yamùk uya tùpon kon kapùppù ipanta yamùk po,” teppù ya.

Luke 17:7

“Tewinan nà àtonpa kon wechi tapyoto ke, umà yakanài pe là, wapùla kalinilu yamùk mainanpanài pe. Umà yapai ken na' iyàssak yau, ‘Asse'neiwa àikkà, molopai ata'lettàkà,’ tawonnan amyamlo? Kane ku!

Luke 19:4

Màlàpàk aitun pe iitàppù màlà tukkan kon kappon yamùk wapiya molopai yei Sycamore yek pona iwekainùmùppù, màlà yawàlà Jesus utà yentoppe tùuya.

Luke 7:13

Yensak tùuya yau Jesus usentupappù màlà tewan yapai ipàk. Molopai ipàk “Kakalawùi!” teppù ya.

Luke 7:19

Molopai tok yeunokoppù ya Itepulu Jesus piyak yekamappose, “Àmàlà ken na' mùkkàlà iyàpù woton teppù lùppù John uya, wapùla ka' ina uya tùulon màmuku màlà lù?” tukaik.

1 Corinthians 13:2

Lepantok, Katù Maimu yenpoikanài yesappe wechi yau, tamù'nawolon pukkeppe we'nàtok yesappe molopai tùttusan pen yamùk là ittu uya, tamù'nawolon ailon tetok yesappe wechi, wùk yamùk yamatoppe uya, tùse uchi'nùnmantok pùla wechi yau, yà'làlà pùla wechi màlà.