Luke 17:2 - Patamuna New Testament Revised

² Wakù peiwa nen iwechi màlà, eke tàk, eppanài, yaulonsak i'mù pàk molopai yenu'masak palau kak yau, pùsamlo echikili ton nùkkwà wettoppe àli pe ikupù ya tukaik.

Luke 17:2 ပူးပေါင်းရင်းမြစ်များ

Matthew 17:27

Tùse pùsamlo kappon yamùk we'naikatoppe ikupù iche pùla we'nà'nokon man. Màlàpàk tuna kak itàkà molopai konoik menu'maik tuna kak. Wapiya anmappù mùpàlàkaik, molopai intau pùlayatta pun yepolo auya màlà, Katù yùwùk ponaloppe pùlayatta ye'matok untùlù molopai àntùlù kaichalon. Malàik molopai tok me'maik,” teppù ya.

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 18:14

Màlà kasa làma Àkàipùnù kon epùn pon wechi màlà pùsamlo echikili ton tonpa utatù iche pùla,” teppù ya.

Matthew 26:24

Kàyik Mumu welikù màlà Katù Maimu yau iwe'menukasak kasa, tùse àsà pe kulu iwechi màlà mùkkàlà Kàyik Mumu yeimipponài pona! Wakù peiwa iwettok pan, iwentu pùla iwessak yau!” tukaik.

Mark 9:42

“Ànù'là pùsamlo yekkwa ton lùkwà ailon tawonnan upàk wemakuimatoppe iku'nàippù wechi yau, wakù peiwa sa' iwechi eppaino eke tàk yewattàsak i'mù pàk yau, molopai tuna kak yenu'matoppe.

John 21:15

Tok uta'lettàkapù tùpo, Jesus uya Simon Peter pàk, “Simon, John mumu, à'nùn pe kulu na' kùkussan pùsamlo uya u'nùnma yentai?” teppù. Simon Peter uya imaimu yeikuppù, “Ewaik, Uyepulu, mùttuyaik u'nùn pe àkupù uya,” tukaik. Jesus uya ipàk, “Uyùkùn non kalinilu munkà mewetùik” teppù.

1 Corinthians 9:15

Tùse i'nai yekkwa là sàlà yamùk yapulàsak uya pùla man. Molopai sàlà menuka uya enpen wechi yà'là yamùk là kupù auya'nokon uponaloppe iche wechi pàk pen nai'nùk. Welikù làkku nen iche wessaik utapulàtok iwinà pàk ulapuma ànù'là uya wapiya.

1 Corinthians 9:22

Attu'mùla tùwessan kùlottau wechi yau atu'mùla tùwenasen Iulà, attu'mùnon nettoppe uya Christ piyak. Màlàpàk tamù'nawolon pe tùwenasen Iulà tamù'nawolon kon kappon yamùk pàk tùulon kon nà wepùikattàtoppe.