Luke 16:11 - Patamuna New Testament Revised

¹¹ Ailon pe pùla ewessak talà non pon mamin mainanpa pàk yau, yà'là kasa ken enpen we'nà àpàk ailon nen uchi mamin pàk?

Luke 16:11 ပူးပေါင်းရင်းမြစ်များ

Matthew 6:24

“Ànù'là pùla iwechi màlà asa'lon kon itepulu yamùk yapyoto pe tùwessen. Yattai pùla tewinannà yeya'noma ya, molopai yakon kupù ya tù'nùn pe. Wapùla ailon pe iwechi màlà tewinan pàk molopai yakon yenpàtù ya. Asakklàma Katù molopai pùlayatta yesappe ewechi kon pen màlà eyepulu kon pe.

Luke 12:33

Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 16:12

Molopai ailon pe pùla ewessak tùulon ponalok pàk yau, ànùk uya ken elepa àponalok ke?

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

Revelation 3:18

Eyekamappoyan Iulà, Kolù ye'ma pa uwinàpai, apok ke tùpottàik ikonekasak kolù, temamin ke ewechi pa. Aimu'nan pon nàlà ye'makà ewepontà pa yak, molopai eyesak iwapu pùn kuli'manài iwaputtàkà. En yipik nàlà ye'makà eyenu yipippe, wakù pe pata yene pa.