Luke 15:29 - Patamuna New Testament Revised

²⁹ ‘Masa yenkà, tàwàlà là tukke kilichimochi we'wotokomasak man àponalok pe apyoto kasa, molopai tewin itekkwa là amaimu yawàlà pùla wessak pùla man. Tuse kapala mule ke lùkkwà là ulepasak auya pùla man utonpa yamùk pokonpe uta'lettà toppe,’ tukaik tùkàipùnù maimu yeikuppù ya.

Luke 15:29 ပူးပေါင်းရင်းမြစ်များ

Matthew 20:12

‘Pùsamlo àkàmlàk yekamapposak kon ne'wotokomai tachin pe pùla, ina we'wotokoma kassak sa'man pe tùse a'nek wei yau. Tùse tok ye'masak auya man ina yepeppù kaichalà!’ teppù tok uya.

Luke 15:28

Wapiyalok imu we'naikasak wechippù màlà. Màlàyau iwewomù pùla iwechippù tapùi tak. Màlàpàk ikàipùnù wepakkappù molopai ipawanattàppù ya iwewontoppe.

Luke 15:30

‘Tùse pùsàlà àmu uya eyemamin mattanùpùppù man kàyik yamùk yemyak tùwechilanmasan nossan yamùk pona, molopai lù'nen uchi iwennapposak yau, kaiwan kulu paka mule wàsak auya iponalok pe!’ teppù ya.

Luke 15:7

Màlà kasa làma màlà eke pe utauchinpantok wechi màlà Epùn po, tewin nà tùmakuyi yawon welattàsak àli kuttok tùuya winàpai yau, 99 pan kon ikasa kulu tùwessan kappon yamùk pàk utauchinpan yentai, tukaik tekamayaik àpàkù'nokon,” teppù Jesus uya.

Luke 17:10

Màlà kasa làmaichi ewechi kon nai'nùk, tamù'nawàlà yekamasak lùppù ànkupù kon pe kussak auya'nokon yau, ‘Apyoto yamùk neken nen ina, ina uya nen tùwotokoyi kon neken kussak sàlà,’ te màlà auya'nokon,” teppù Jesus uya.

Luke 18:9

Jesus uya tu'ma sàlà panton yekamappù màlà kappon yamùk wakù pe tùuchittusan tùyiwalà'nokon, tùse tamù'nawolon kon iche pùla tùwessan pàk.

Luke 19:21

Usenalipappù àpàk, masapùla sa'man pe ewechi pàk. Àponalok pen yanùnnài àmàlà, molopai ànpàmàppù pen mokkanài àmàlà,’ teppù ya.

Romans 10:3

Yà'là uya là Katù nanùmù yeppe kappon kupù ikasa ipokonpe ittusak tok uya pùla iwechippù, molopai tùyiwalà'nokon ikasa ekonekapai tok wechippù. Màlàpàk uchi tà Katù uya ikasa kappon yamùk kuttok yawà yanùmù tok uya pen.

Romans 3:20

Màlàpàk ànù'là kappon yanùmù ikasa Katù yenu yau, Law maimu yawàlà iwechi pàk pùla iwechi màlà. Law màlà kappon ku'nài àli kussak tùuya ittutoppe ya làkku.

Romans 3:27

Yà'là ken uchi molo nai utapulàntok ipàkànsau woton? Ipla man. Yà'là pe iwechi pàk? Masapùla ka' Law maimu yawàlà kappon wechi pàk lù? Kanekku, tùse ailon tetok kappon uya pàkàlà làkku.

Romans 7:9

Nulà wechippù màlà pena Law ittu uya pùla iwechi yau. Tùse iyàssak yau makui wennappù molopai welikùppù.

Revelation 2:17

“Tàwà tùpana ke nai'nùk, Wakù Akkwalù uya sochi yamùk yelupatok yetai. Mùkyamlo entaikan nan nùssan lepa uya màlà tonantau tùwessen kùyali manna ke. Aimu'nan tàk ke nàlà tok lepa uya màlà. Sàlà wechi màlà emennak esek menukasak ipàk, ànù'là nùttu pen tùse yeponàippù neken nùtttu.”

Revelation 3:17

‘Tukkan, itemamin Iulà, molopai italumayippù pen, tamù'nawàlà iche wettok yesak,’ te là auya. Tùse entuppak sa'ne ewechi ittu auya pùla man! Yà'là pùla italumayippù pe messaik, ipon pùla molopai enpùla.