Luke 14:21 - Patamuna New Testament Revised

²¹ Apyoto wennapoppù molopai tamù'nawàlà sàlà yamùk yekamappù ya tepulu pàk. Màlàyau tapùi yesak we'naikasak kulu wechippù. Molopai tapyoto pàk, ‘Asse'ne itàkà, eke asantak molopai tapùi yapowino'nan molopai tapùi yakkletawo'nan asanta yamùk lùkkà tawà. Entuppa'nokon inetta, sesen pan kon, enpùnon, molopai tùusasan pen inetta,’ teppù ya.

Luke 14:21 ပူးပေါင်းရင်းမြစ်များ

Matthew 11:28

“Àittàk kon Upyak, tamù'nawàlà amyamlo eme'nek lotù yalà pàk iichetakkasak kon, molopai elepa kon uya màlà wàlàkka'nàtok ke.

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 15:12

Màlàyau Jesus ya'lon kon uyàpùppù ipyak molopai, “Pharisee yamùk wakùlipe pùla na' euselupasak mùttuyan?” teppù tok uya.

Matthew 18:31

Màlà yensak tùuya'nokon yau, tùulon kon apyoto yamùk wekkussak wechippù wakù pe pùla. Molopai tok utàppù tepulu kon piyak molopai tamù'nawolon yekamappù tok uya ipàk.

Matthew 20:7

‘Ànù'là uya ina yekamapposak ina we'wotokomatoppe pùla iwechi pàk,’ tukaik tok uya yeikuppù. ‘Itàtàk kon nàlà e'wotokomase u'mà yak,’ teppù ya tok pàk.

Luke 14:13

Uta'lettàntok konekasak auya yau, entuppa'nokon mùkà'maik, sesen pan kon, tùusasan pen molopai enpùnon.

Luke 14:20

Tùulon uya nàlà, ‘Wemali'masak man sàlà pe kulu màlàpàk uyàpù pùla man,’ teppù.

Luke 14:22

Màlàyau apyoto uya, ‘Euselupatok kussak là man, Uyepulu, tùse patassek lùppù molo man,’ teppù.

Luke 14:24

Ànùk yan nà ikà'masak kon tùse iyàssak kon pen, uya uyeipa yonpa pen màlà,’ teppù,” tukaik.

Luke 24:47

Molopai itesek yau àli kuttok winàpai welattàntok Katù winàkàik, molopai àli kuttok pàk usentuppantok yekale yekama màlà tamù'nawàlà pata yamùk yawàlà, Jerusalem poi tùpyattàse.

Luke 9:10

Yeunossak kon wennapoppù màlà molopai tamù'nawolon tùnkupùppù kon yekamappù tok uya Jesus pàk. Tok yalàppù ya ta'là molopai tok utàppù tùyiwalà'nokon pata Bethsaida pona.

John 9:39

Jesus uya, “Uyàssak sàlà, sàlà non pona kappon yamùk yeselu wechi wakù pe wapùla àli pe là yenpoikaik. Enpùnon uya yentoppe molopai yennài nan wenatoppe enpùla,” teppù.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

Revelation 19:15

Yàkek asa'lon yà kasupala wepakkappù intapai, màlà ke eke pata yamùk non pon kon yentaika ya màlà. Meluntà ke itepulu pe iwechi màlà tok yepoi, molopai so'li tinchisen Tewinan, mùkkàlà neken Meluntà Katù we'naikatok àsà pe yeuku kakklà ya màlà mulu yai.

Revelation 22:17

Wakù Akkwalù molopai Ema'non, inoppù woton, “Àikkà!” nùkayan. Tamù'nawolon kon sàlà yetan nan nàlàichi tàwà, “Àikkà!” nùkai. Àikkà, ànù'là iwe'naklipasak nai'nùk, wema'nàtok palu tuna yanùnkà lepantok kasa, ànù'là iche tùwessen.