Luke 14:15 - Patamuna New Testament Revised

¹⁵ Kappon yamùk chichiu pe tùwessan uta'lettàntok yapon motau tonpa uya sàlà yetappù molopai Jesus pàk, “Tùutauchinpasen kulu mùkkàlà uta'lettàntok yapon woi chichiu pe tùwechi woton Katù wettok itepulu pe patassek yau!” teppù.

Luke 14:15 ပူးပေါင်းရင်းမြစ်များ

Matthew 25:10

Màlàpàk pakko ton utàppù tùweyu kon palu yepose. Molopai tok utàppù tùse umoine tùwemali'ma woton welepamùppù màlà. 5 pan kon iwekonekasak kon ema'nomichi wewomùppù màlà ya'là wemali'mantok yattai uta'lettàntok yak. Molopai manatta yakkoloppù màlà.

Matthew 8:11

Sàlà mùttutàik! Tukkan kon uyàpù màlà wei wepakkatok winàpai molopai wei wewontok winàpai molopai Itepulu pe we'nàtok epùn po yau tok weleuta màlà ata'lettàsse Abraham, Isaac, molopai Jacob tawonnan pokonpe.

Luke 12:37

Tùutauchinpasan mùkyamlo apyoto yamùk, tùuyàssak yau itepulu nepolo ton, iipakasappe. Ailon kulu sàlà, iwepokùlùyittà màlà, molopai tok yeleutanùpù ya uta'lettàn yapon piyak, molopai tok yewetù ya màlà.

Luke 13:29

Kappon yamùk uyàpù màlà wei wepakkatok molopai wei wewontok winàpai, kamik winon wei wepakkatok winàpai, molopai kamik pen winon wei wepakkatok winàpai. Molopai tok weleuta kùyali yapon piyau, itepulu pe Katù wettok patassek yau.

Luke 22:16

Masapùla tekamayaik àpàkù'nokon inattu'ma uya pen nen uchi màlà Katù wettok itepulu pe patassek yau iwekkupù ponalà,” teppù Jesus uya.

Luke 22:30

Auta'lettà kon molopai àwukukon inchi auya'nokon màlà Itepulu pe wettok patassek yau, molopai aponnok yamùk po ewechi kon màlà 12 pan kon Israel kok yamùk ittu kon pa,” teppù Jesus uya.

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.