Luke 12:48 - Patamuna New Testament Revised

⁴⁸ Tùse mùkkàlà ittunài pen, molopai yà'là là ku'nài màlà wenai tùtalumattàttoppe, ippoppàtù màlà tukke kulu pùla itekkwa. Kappon eke pe ilepasak lùppù, winàpai eke pe iche we'nà màlà. Molopai eke peiwa ilepasak lùppù, winàpai eke peiwa nàlà iche we'nà màlà.”

Luke 12:48 ပူးပေါင်းရင်းမြစ်များ

Matthew 13:12

“Masapùla kappon yà'là là yesak lepa màlà eke peiwa, eke peiwa nen uchi itesak pe tùwechi yentai itesak pe iwettoppe. Tùse mùkkàlà yà'là pùla nai'nùk winàpai malalon itesappe iwettok mokka màlà.

Matthew 23:14

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Itayappù iwelichak kon yemamin molopai tok patassek mokkannan. Molopai nàlà kusan pe tùwàpùlemasan amyamlo, kappon yamùk uya neken yentoppe. Sàlà wenai atalumattàtok kon wechi màlà àsà peiwa.

Luke 12:41

Peter uya yekamappoppù, “Itepulu, sàlà na' panton yekama auya màlà ina pàk, wapùla ka' tamù'nawolon kon pàk lù?” tukaik.

Luke 12:49

“Uyàpùppù màlà non pottàse apok ke, molopai ipottàkassappe kulu eppai man.

Luke 16:2

Ikà'mappù mamin yesak uya. Molopai ipàk, ‘Yà'là yekkwa sàlà tetayaik nùk àpàk? Tamù'nawàlà uyemamin mainanpa auya kaletayi itùkà upyak. Sàlà yentak uyemamin mainanpanài pe ewettu'ma pen màlà,’ teppù ya.

John 15:22

Tok yelupaik uyàpù pùla iwessak yau, àli pe tùmakuyi ke tok uchittuppù pen sàlà eppaino. Tùse sàlà pe tùmakuyi kon waputtàtok tok uya pùla iwechi màlà.

Yeunossak kon Wotokoyi 17:30

Pena Katù uya màlà yenpàtùppù kappon yamùk uya ittu pùla iwechi yattai, tùse sàlà pe Katù uya tamù'nawolon kon kappon yamùk mailon kon nà là, welattàtoppe àli teselu kon winàpai yekamasak man.

1 Timothy 1:11

Màlàichi màlà enupantok yeposak itekale yau, uyemyak intùlùppù yekamatoppe uya, Wakù kulu Itekale Eke Katù winàpaino.

1 Timothy 1:13

àli pe là nen uselupasak tùpàk tùse, tùtalumattà uya molopai tùmottùnpa uya tùse. Katù usentupappù màlà upàk, masapùla unkupù ittui'ma pùla welaika ikasa kasa pàk molopai ailon te uya pùla lùppù lànen tùse.

1 Timothy 6:20

Timothy, màlà itùsak lùppù eyemyak ikukkà wakù pe. Katù pùnon uselupatok yà'là pen nà kùsetai, wakù kasa nùsetayai'nùk tùse iwalai pen enupantok.

Titus 1:3

molopai iwalai iweyu yattai màlà yenpoikappù ya Wakù Itekale tekale yau. Sàlà tùlùppù màlà uyemyak, molopai yekamanài Iulà, Katù kùpàikattànài'nokon uya enupantok yawàlà.

James 3:1

Utonpa yamùk! Elanneppe ettàk kon tukke kulu là enupannan pe eppai kettàu, masapùla mùttuyatàik ina enupannan ittutok wechi màlà àsà pe lùiwa tùulon kon yentai.