Luke 12:33 - Patamuna New Testament Revised

³³ Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 12:33 ပူးပေါင်းရင်းမြစ်များ

Matthew 19:21

Jesus uya ipàk, “Wakù pe, ikasa kulu eppai ewechi yau, itàkà molopai tamù'nawolon itesappe ewettok ichilanmata, molopai entuppa'nokon mùlepaik molopai nen uchi mamin yamùk yesappe ewechi màlà epùn po. Molopai uya'là àikkà,” teppù.

Luke 11:41

Tùse itesak pe ewettok kon itùtàk kon entuppa'nokon yemyak molopai tamù'nawolon wechi màlà wakù pe.

Luke 12:21

“Sàlà kasaichi mùkyamlo sàlà motau mamin pilichai'nan nùk tùponalok kon pe wechi màlà, Katù yenu yau itemamin pùla,” teppù Jesus uya.

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

John 12:6

Judas uya wateppù màlà, entuppa'nokon pàk tùusentuppa pàk pùla, tùse amak pe tùwessen pe tùwechi pàk, molopai pùlayatta yen tùpyawon yapai tùwepùikattàsek pàk.

Yeunossak kon Wotokoyi 2:45

Tok uya temamin kon chilanmappù molopai pùlayatta pantakappù tok uya tùklottau'nokon iche kulu tùwettok kon yawàlà.

2 Corinthians 8:2

Eke pe tok ittuppù màlà talumattàntok tok utàppù lùppù yawà ke, tùse tok utauchinpatok wechippù eke pe kulu. Màlàpàk alikyeppe tok wechippù tùwe'lepa kon pàk itesak pe tùwettok kon yapai, yà'là pùla lànen echii'ma'nokon.