Luke 11:41 - Patamuna New Testament Revised

⁴¹ Tùse itesak pe ewettok kon itùtàk kon entuppa'nokon yemyak molopai tamù'nawolon wechi màlà wakù pe.

Luke 11:41 ပူးပေါင်းရင်းမြစ်များ

Matthew 26:11

Tàwàlà là nen entuppa'nokon wechi apyau'nokon màlà, tùse tàwàlà là apyau'nokon wechi pen màlà.

Matthew 5:42

Ànù'là uya yà'làlà yennasak àpàkù'nokon yau, mùtùtàik itemyak. Molopai ànù'là wechi yà'làlà anapai yapulàtoppe tùuya yau, tàwà nalài,” teppù ya nàlà.

Mark 7:19

Masapùla eyewan yak iità pen màlà, tùse àlotta yak. Molopai yenpakka auya àlotta yapai,” teppù Jesus uya. (Tamù'nawolon kùyali màlà tùnassen pe ikussak, te Jesus uya pe iwechippù.)

Luke 12:33

Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Luke 19:8

Zacchaeus wà'mùssakkappù molopai Itepulu pàk, “Yetakà, Itepulu! Itesak pe wettok pantaka uya màlà upyau iwechi kaichalà entuppa'nokon yemyak, molopai ànù'là yama'masak uya yau, ye'ma uya màlà asakùlà'ne itekkwa,” teppù ya.

Yeunossak kon Wotokoyi 10:15

Mayin uselupappù tu'ma ipokonpe, “Àli kùkai yà'làlà Katù nùkupùppù wakù pe pàk,” tukaik.

Yeunossak kon Wotokoyi 11:29

Jesus ya'lon wekkupùppù tamù'nawolon kon uya lepantok yeunoko pàk, yeunottok tùuya'nokon yawàlà lùkkwà là tùtonpa kon Judea po tùwemassan pùikattànài pe.

Yeunossak kon Wotokoyi 24:17

“Tukke kilichimochi Jerusalem po pùla wemappàtù tùpo, utàppù màlà motak pùlayatta yalàppù uya entuppa'nokon ponaloppe molopai untùlù tùse Katù ponaloppe.

2 Corinthians 8:12

Masapùla e'lepapai kulu ewechi kon yau, Katù uya lepantok auya'nokon yanùmù màlà àntùlù itesappe ewettok kon yawà, itesappe pùla là ewettok pen.

Ephesians 4:28

Amappe tùwessen pe ewechi yau amappe ewettok yeleutanùkkà. Ailon pe ekkà molopai sa'man pe e'wotokomakà yà'là pùnon kappon yamùk yemyak àntùlù woton wettoppe molo.

Titus 1:15

Tamù'nawolon màlà wakù esukenan, mùkyamlo esukenan kon pona; tùse yà'làlà wechi màlà esuken pùla mùkyamlo àli pe iwenasak kon pona molopai ailon tawonnan pen pona, masapùla tok usenumenkatok wenasak màlà àli pe molopai tok usenumenkatok yaimelunpa àli, tok nùkupùppù uya pàk.

Hebrews 13:16

Wakù kuttok uchi auya'nokon kùpputtàka'nùttàu molopai àtonpa kon pùikattàtok auya'nokon, masapùla sàlà yamùk yekkwa tùtùsan wechi màlà Katù yauchinpanài pe.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

James 1:27

Sàlà màlà wakù esuken we'nàtok Katù, Kùkàipùnù yemloto po: ichan pùnon molopai ikàipùnù pùnon mainanpa molopai itayappù iwelichak kon mainanpatok wettalumatàntok yau, molopai mattanù'nài àli yeselu winàpai we'nà màlà wakù.