Luke 10:2 - Patamuna New Testament Revised

² Tok pàk, “Eke pe kulu temeikkasan man tùse tukke pùla kulu ipili'nài nan man. Temeikkasan yesak ipawanattàtàk kon tù'mà yak tùwe'wotokoma woton kon yeunotoppe ya,” teppù Jesus uya.

Luke 10:2 ပူးပေါင်းရင်းမြစ်များ

Matthew 20:1

“Itepulu pe we'nàtok epùn po wechi màlà umà yesak kasa. Ko'làma tùutàsen mùkkàlà kappon yamùk tù'mà yau tùwe'wotokoma woton kon yepose.

Mark 13:34

Sàlà wechi màlà kàyik utà mei te'ma tawà kasa. Tùpata nàmà tùuya yau tùpoitolù ton nàmà ya màlà tùpata mainanpanài pe. Tùpoitolù ton lepa ya tok wotokoyi ke. Molopai manatta yesak pàk, ‘Enpen mechik,’ teppù ya.

Mark 16:15

Màlàyau, “Itàtàk kon tamù'nawolon pata yawàlà. Wakù Itekale yekamatantàk kon tamù'nawàlà kappon yamùk pàk,” teppù ya tok pàk.

Mark 16:20

Màlàyau inenupa ton nùssan utàppù Itekale yekamaik mailàlà. Molopai Itepulu Katù we'wotokomappù tok pokonpe. Molopai tok nekamappù lùppù yenpoikappù ya ailon pe iwechi yentok ipàkàlà pe tok yapàikketù yau. [

Luke 9:1

Jesus uya 12 pan kon ta'lon kon kà'mappù tamùkke. Molopai tok lepappù ya meluntà molopai apàikkek ke, tamù'nawàlà àli akkwalù yamùk yenpakka toppe tok uya, molopai palan ipittà toppe tok uya.

Yeunossak kon Wotokoyi 11:19

Ailon tawonnan wetta'nùssak wechippù màlà talumattàntok Stephen wànà yattaino lùppù winà. Tùulon kon utàppù mei Phoenicia tepose, Cyprus molopai Antioch yawàlà itekale yekama pe Jew yamùk pàk neken.

Yeunossak kon Wotokoyi 13:2

Tok wechi Itepulu yapulà pàk. Tùuta'lettàik pùla tok wàpùlema tùse, Wakù Akkwalù uya, “Barnabas molopai Saul yanùntàk kon uponaloppe, uwotokoyi kuttoppe tok uya unkà'massan,” teppù tok pàk.

Yeunossak kon Wotokoyi 13:4

Barnabas molopai Saul tawonnan utàppù nen uchi Wakù Akkwalù neunokoppù pe, Seleucia pona molopai tok utàppù tuna po màlà motapai tuna yaploppon pata Cyprus pona.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 22:21

‘Itàkà, eyeunoko uya sàlà mei Jew yamùk pen kùlottak,’ teppù ya upàk.

Yeunossak kon Wotokoyi 8:4

Ailon tawonnan iwetta'nùssak kon utàppù mailàlà itekale yekama pe.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

Philippians 2:21

Tamù'nawolon kon nen tà tùnkupù kon pàk neken tùusenumenkasan, Jesus Christ pàkànsau pùla.

Philippians 2:25

Kùtonpa kon, Epaphroditus yeunoko uya kulu apyakù'nokon pàk usenumenkasak man. Iwe'wotokomasak lùppù ukaichalà molopai iwepanta'masak lùppù upyau, amaimu yekamanài nàlà eneunokoppù lùppù upùikattàtoppe ya.

Philippians 2:30

Masapùla iwelikùiwappù Christ wotokoyi pàkànsau, alikyeppe tùwemattok tùlù tùuya yau ànkupù kon yentaino pàk upùikattà tùuya yau.

Colossians 1:29

Sàlà wekkuttoppe tùwe'wotokomasen Iulà sa'man pe, eke meluntà Christ nùtùlù yapulà pe, ne'wotokomayai'nùk uyau.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Thessalonians 5:12

Ina apawanattàyatàu, ina tonpa yamùk, mùkyamlo àkklottau'nokon tùwe'wotokomasan nama kon pa, mùkyamlo Itepulu Katù nanùmùssan eyepotolù kon pe molopai eyenupannan yamùk pe nama kon pa.

2 Thessalonians 3:1

Molopai nen uchi wenukapù pe, ina pona màpùlematàik, te uya sàlà àpàkù'nokon ina tonpa yamùk, Itepulu maimu utalenkatoppe miyaiwa asse'ne molopai yapulàtok wessepotoppe àkklottau'nokon iwekkupùppù kasa.

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.

2 Timothy 4:5

Tùse tùuchittuik ekkà; ewettalumattàtok ipàlikakà, Wakù Itekale yekamanài wotokoyi ikukkà, molopai wakù pe àwotokoyi ikukkà tamù'nawolon yau.

Philemon 1:1

Sàlà màlà Paul nùmenukappù Philemon yemyak. Paul, yachisak pe nai'nùk Jesus pàkànsau, Timothy winàpaino nàlà sàlà. Kaleta menukasak ina uya sàlà ina wechi yakon molopai ina we'wotokoma tonpa kulu Philemon yemyak.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Revelation 2:1

“Ephesus pon Sochi inchelùyi piyak sàlà imenukakà: “Sàlàichi màlà mùkkàlà 7 pan chilùkà yamùk yachinài kamik pen temyatù yau winàpaino itekale, mùkkàlà 7 pan kolù yapai ikonekasak lanppu yapon kùlottawà tùusasen,” teppù ya.