Luke 1:32 - Patamuna New Testament Revised

³² Eke pe iwechi màlà molopai, ‘ Eke Katù Mumu,’ tukaik yesatù màlà. Itepulu Katù uya màlà eke pata yesappe ima, itamo David wechippù kasa.

Luke 1:32 ပူးပေါင်းရင်းမြစ်များ

Matthew 1:1

Sàlàichi màlà Jesus Christ wentutok pàk imenukasak lùppù. Jesus wechippù David pa pe. David wechippù Abraham pa pe.

Matthew 12:42

Ittuntok Weyu yattai Sheba pon Kuwin wà'mùssakka màlà molopai àli pe ichelupa màlà àpàkù'nokon, masapùla mei Solomon uya tùpukketù yai enupantok yetase tùutàsak pàk. Molopai, talà man ekeiwa Solomon yentaino!” teppù Jesus uya.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Mark 14:61

Tùse Jesus wechippù eppana imaimu yeikuppù ya pen. Molopai paatele yamùk yennài uya yekamappo tukkappù, “Christ na' àmàlà Katù tapulàsen molopai tùnamasen Mumu?” tukaik.

Mark 5:7

Màlàyau iwentaimeppù eke pe, “Jesus, Àmàlà Eke Katù Mumu! Yà'là pe ken ukupù auya màlà? Katù ponaloppe tàwà eyekamappo uya sàlà, kùtalumattài!” tukaik.

Luke 1:15

Masapùla eke pe iwechi màlà Itepulu yenu yau. Meluntà tinchisen inchi tak. Iwentu motapai Wakù Akkwalù ke iwanùssak wechi màlà.

Luke 1:35

Inchelù uya yeikuppù, “Wakù Akkwalù, molopai Katù yapàikketù, uyàpù màlà àpona. Màlà pàk, pùsàlà wakù mule, yesatù màlà Katù Mumu, tukaik” teppù ya.

Luke 1:76

Àmàlà umle, yesatù màlà Eke Tùnamasen Katù Maimu yenpoikanài tukaik, Itepulu wapiya àutà màlà ite'ma konekaik iponaloppe.

Luke 3:16

Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

John 12:34

Ilinà kappon yamùk uya Imaimu yeikuppù, “Ina uya yetasak man Law yapai, Christ wemapù màlà tàwàlàlà tukaik, tùse yà'là kasa ken uchi wa te auya nai'nùk Kàyik Mumu yanùmù màlà te auya? Ànùk ken uchi mùkkàlà Kàyik Mumu?” tukaik.

John 6:69

Ailon nùkayan ina, molopai ina nùttuyan wakù kulu àmàlà Katù winàpaino,” tukaik.

Yeunossak kon Wotokoyi 16:17

Paul, molopai ina wenaimappù ya tùwentaimepàtù pe, “Pùsamlo kàyik yamùk mùkyamlo Eke kulu Katù yapyoto ton! Tok uya yà'là kasa là ewepùikattàtok kon ye'ma yekama màlà àpàkù'nokon!” tukaik.

Yeunossak kon Wotokoyi 2:30

Katù Maimu yenpoikanài pe iwechippù molopai Katù uya ‘suwa wechi màlà’ tetok tùpàk ittuppù ya. Katù uya tùnkupù woton yekamappù, ‘tewin nà David payan kùlottapai Kin koneka uya màlà,’ iwechippù kasa tukaik.

Yeunossak kon Wotokoyi 2:36

“Tàwà tamù'nawolon kon Israel pon kon kappon yamùk ailon pe nùttui, pùsàlàichi mùkkàlà Jesus ànpukapàtùppù kon pulusuk pona. Katù uya ikussak màlà Itepulu pe molopai Christ pe!” teppù Peter uya.

Yeunossak kon Wotokoyi 7:48

“Tùse Eke kulu Katù mùkkàlà tapùi yamùk kappon yamùk namùppù tau tùwemassen pen, Katù Maimu yenpoikanài uya watesak kasa.

Romans 1:4

Tùse Wakù Akkwalù uya Jesus, Katù Mumu wechi meluntà yesappe yekamasak, weli'nàtok yapai iwe'wuluukasak winà. Jesus Christ kùyepulu kon.

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.