Jude 1:8 - Patamuna New Testament Revised

⁸ Màlà kasa làma pùsamlo kappon yamùk tùwe'neppàssan àli pe. Tok we'nepàtok tok ku'nài àli pe tok wetoppe tesak kon winàkàik, Katù yapàikketù nulunpannan mùkyamlo; molopai kawon kon akkwalù yamùk mottùnpannan.

Jude 1:8 ပူးပေါင်းရင်းမြစ်များ

Luke 11:25

Màlàyau iwennapo màlà, tùwùk yepolo ya wakù pe, tamù'nawàlà yakolokasak.

Luke 12:11

“Tok uya enessak kon eyittuse'nokon wepili'nàtok itak tak, wapùla eke pata yesak yemlotopona, wapùla epotolù yamùk yemlotopona yau, kataimelunpatàu atta là ewenai'nokon ewechi kon pàk, wapùla yà'là te là auya'nokon pàk.

Luke 19:14

Ipatassek yawon kon uya yeya'nomappù màlà, màlàpàk tok uya tùmaimu kon yekaman nan yeunokoppù ite'mappù pàk, ‘Pùsàlà kàyik wechi ina kin pe iche pùla ina man,’ tukaik.

Yeunossak kon Wotokoyi 23:5

Paul uya tok maimu yeikuppù: “Eke kulu paatele pe iwechi ittu uya pùn, utonpa yamùk. Masapùla Katù Maimu uya watesak màlà, ‘Àli pe keselupatàu kappon yamùk yepulu pàk,’ tesak,” tukaik.

Yeunossak kon Wotokoyi 7:27

Tùse mùkkàlà tùulon talumattànài uya Moses chitokkappù miya. ‘Ànùk ken itepulu pe molopai ittunài pe ina yepoi àkupùi?’ tukaik yekamappoppù ya.

Yeunossak kon Wotokoyi 7:39

“Tùse kùtamo kon yamùk wechippù imaimu yawàlà eppai pùla, miya ichitokkappù tok uya molopai Egypt pona ennappopai tok wechippù.

1 Corinthians 3:17

Màlàpàk ànù'là uya Katù yùwùk mattanùpù yau, Katù uya imattanùpù màlà. Masapùla Katù yùwùk màlà esukenan molopai amyamlo nàlà mùkyamlo itùwùk.

1 Thessalonians 4:8

Màlàpàk uchi ànù'là sàlà enupantok nulunpanài uya, kappon pen nulunpa màlà, tùse Katù nulunpa ya, mùkkàlà elepanài'nokon Wakù Akkwalù ke.

1 Timothy 1:10

Law menukappù nàlà màlà tùnoppù kon pen pokonpe tùwessan ponaloppe, kàyik pokonpe kàyik wechi ponaloppe, kappon yonanàinan pùlayatta yepotok kon pe tùuya'nokon ipàk pe ponaloppe, kasei pe tùwessan molopai ailon kasa tùukaseitasan kottù motau ponaloppe tùpatalà yà'làlà ku'nàinan ailon enupantok winàpai.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

1 Peter 2:17

Tamù'nawolon kon kappon yamùk inamatàk kon, ànù'là kappon ailon tawonnan i'nùnmatàk kon, nalik pe ettàk Katù pàk, molopai eke kulu itepulu inamatàk kon.