Jude 1:5 - Patamuna New Testament Revised

⁵ Tamù'nawàlà lànen sàlà ittu auya'nokon tùse, eyenu kon anapontàpai wessaik Itepulu Katù uya Israel pon kon kappon yamùk mokkappù Egypt yapai, tùse màlà tùpo mùkyamlo ailon tawonnan pen talumattàppù ya pàk.

Jude 1:5 ပူးပေါင်းရင်းမြစ်များ

Romans 15:15

Tùse sàlà kaleta yau we'namatok pùla kulu weppàssaik màlà yamùk pàk eyenu yapontà kon uya pàk. We'nama pùla weppàssaik masapùla Katù uya ulepasak wakù pe we'nàtok ke pàk.

Hebrews 3:16

Ànùk yan ken mùkyamlo Katù Maimu yetannan nùssan, molopai màlà yawàlà pùla iwessak kon? Mùkyamlo pen na', tamù'nawolon kon Egypt yapai Moses nalàssan pen?

2 Peter 3:1

Utonpa yamùk! Sàlàichi màlà kaleta yakon itekkwa pe unmenukappù apyakù'nokon. Asakklàma ukaletayi yau eyenpenatanùpùiche wessak man eusenumenkatok kon yau sàlà yamùk pàk.

1 John 2:20

Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.

1 John 2:21

Emenuka kon Uyaichi sàlà, ailon ittu auya'nokon pùla iwechi pàk pùla; tùse làkku, ittu auya'nokon pàk, molopai nàlà kasei uyàpù ailon yapai pùla ittu auya'nokon pàk.