Jude 1:4 - Patamuna New Testament Revised

⁴ Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.

Jude 1:4 ပူးပေါင်းရင်းမြစ်များ

Matthew 13:25

Tewinnà ewalupàttau, kappon yamùk we'nùnsak tùse, iteyaton uyàpùppù molopai àlitta pàmàppù ya àlichi walai yek kùlottawà molopai iitàppù.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 15:24

Ina netatai tùulon kon kappon yamùk, ina tonpa yamùk utàppù molopai awanittàpa eusenumenkatok kon yaimelunpappù tok uya tùuselupa kon ke, sàlà kuttoppe tùuya'nokon tapyontàtok kon yepolo tok uya pùn ina winàpai.

Galatians 2:4

Sàlà kasa iwechippù màlà masapùla tùulon kon ina tonpa yamùk pe tukaik tùusenakassan uyàpùppù màlà ina kùlottak tùwanmùla Christ Jesus yau ina wemapù yense amak yai, molopai apyoto pe ina kusse.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

1 Timothy 5:8

Tùse ànù'là uya tùtonpa mainanpa pùla iwechi yau, tùtonpa kulu, tùsan, tùkàipùnù winàpaino, ailon yawàlà pùla iwessak màlà yetapàssak ya molopai ailon tawon pen yentai kulu àli pe iwechi màlà.

2 Timothy 2:12

yà'làlà pàlika pàk we'nà'nokon iponalok pe yau, itepulu pe nàlà we'nà'nokon màlà ipokonpe. ‘Ittunài pen Iulà,’ te'nokon yau, ‘Eyittunài pen Iulà,’ te ya nàlà màlà.

2 Timothy 3:6

Pùsamlo yekkwa ton mùkyamlo tùutàsan tapùi tak kappon wanmùla molopai attu'mùnon ulichan yamùk yentaikannan tok uya tùmaimu kon ke, tok makuyi nelemluku ton molopai yà'là walainon nà ànkuppai we'nàtok nalà ton.

1 Peter 2:16

Yachinài pùn kasa emattàk kon, molopai imokkasak pe ewettok kùsapulàtàu yà'làlà àli waputàtok auya'nokon ike pe, tùse Katù yapyoto ton pe emattàk kon.

1 Peter 2:8

Molopai, “Sàlà màlà tàk kappon yamùk wettatai'matok iwinà woton, tàk tok kawai'ma woton,” teppù. {Isa 8. 14} Tok wettatai'ma màlà masapùla ailon tesak tok uya Katù Maimu pàk pùla iwechi pàk, màlàichi Katù yeselu tok ponalok.

1 Peter 4:18

Molopai, “Sa'man pe kulu wakù ton kappon yamùk wepùikattà wechi yau, yà'là pe ken Katù pùnon molopai àli ton kappon yamùk wechi?” {Pro 11.31}

2 Peter 2:10

mùkyamlo kulu akùlù iteselu wakù ke telupa kon yetannan pen molopai Katù yapàikketù nulunpannan. Tùusenalippaik pùla molopai meluntà pe àli pe tùuselupasan mùkyamlo kawon kon akkwalù yamùk winàkàik.

2 Peter 2:7

Lot pùikattàppù ya, wakù kàyik, àli yeselu iche pùla iwessak lùppù.

2 Peter 3:7

Tùse kak molopai non sàlà pe nemassai'nùk kussak màlà, màlà lùppù Katù Maimu winà, inmattatoppe apok ke. Màlà yamùk kupù màlà, àli ton kappon yamùk ittutok yattai ponalà, molopai tok mattanùpù màlà.

1 John 2:22

Ànùk ken uchi mùkkàlà kasei? Mùkyamlo, Jesus mùkkàlà Christ pen, tawonnan. Mùkkàlà wechi màlà Christ yeyaton pe. Asakklàma Kùkàipùnù molopai Imu tawonnan nulunpannan mùkyamlo.

Jude 1:15

tamù'nawolon kon kappon yamùk ittuse molopai tamù'nawolon kon Katù pùnon talumattàse, tamù'nawolon àli ton tok nùkupùppù pàkànsau, molopai tamù'nawolon àli pe tok uselupappù Katù winàkàik pàkànsau!” tukaik.

Jude 1:18

Tok uya àpàkù'nokon, “Pata weyu wenukapù pe iwechi yau, kappon yamùk usenpoika màlà àmottùnpa kon woton kon, kappon yamùk Katù yeselu walai pen iteselu ton,” teppù.

Revelation 15:4

Ànùk usenalipa pen ken àpàk Itepulu? Molopai ànùk uya ken eyesek yapulàtok nepù? Masapùla àmàlà neken mùkkàlà Wakù esukenan. Tamù'nawolon patassek yamùk yawon kon uyàpù màlà ayapulàse eyemlotopo, masapùla wakù iwalai ànkupù usenpoikasak man,” tukaik.