Jude 1:20 - Patamuna New Testament Revised

²⁰ Tùse amyamlo, utonpa yamùk kulu, esemokkatàk kon wakù ailon tetok auya'nokon ipàk yau. Àpùlematàk kon Wakù Akkwalù meluntàlù yau,

Jude 1:20 ပူးပေါင်းရင်းမြစ်များ

Yeunossak kon Wotokoyi 15:9

Tùpatalà'ne là ku'nàsak ya pùla man tok winàpai, esuken tok yewan konekappù ya màlà ailon tetok tok uya yai.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Yeunossak kon Wotokoyi 6:7

Màlàyau Katù Maimu usekamappù mailàlà. Molopai tukke màlà yentak Jerusalem po kappon yamùk wenappù Jesus ya'lon nà pe asse'ne. Tukke lànen uchi paatele yamùk uya ailon tetok yanùmùppù.

Yeunossak kon Wotokoyi 9:31

Màlàyau sàlà kasa iwechippù màlà tamù'nawàlà Judea yawàlà, Galilee molopai Samaria yawolon kon sochi yamùk wechippù wàlàkka'nàtok yau. Meluntà pe tok wenappù molopai tukke tok wenappù, Wakù Akkwalù uya tùpùikattàse, tùwemapùi'ma nokon Itepulu Jesus namatok yau.

Romans 15:2

Masaichi we'ma'nàpai'nokon, kùmàlà pe làkku kùyakontalù kon yenu yailà wema'nàpai'nokon wakù pe iponaloppe, meluntà pe iwenatoppe ailontetok yau.

Romans 8:15

Masapùla Wakù Akkwalù Katù uya elepatok kon màlà apyoto pe àku'nài'nokon pen molopai eusenalipa kon pa tu'ma àku'nài'nokon pen, tùse Wakù Akkwalù làkku màlà Katù munkà yamùk pe àku'nài'nokon. Molopai Wakù Akkwalù meluntàlù winà Katù pàk, “Abba! Ukàipùpù!” tawonnan kùmyamlo.

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

1 Corinthians 10:23

Tamù'nawolon wechi màlà tùkussen pe tùse tamù'nawàlà wakù pe iwechi pen màlà. Tamù'nawolon wechi màlà tùkussen pe tùse tamù'nawolon wechi kulu là meluntàlùnpanài pe pen màlà.

1 Corinthians 14:15

Màlàpàk yà'là kupù uya ken? Wàpùlema màlà uyakkwalù ke molopai usenumenkatok ke nàlà wàpùlema màlà, uselenpa màlà uyakkwalù ke molopai usenumenkatok ke nàlà uselenpa màlà.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Ephesians 4:12

Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Ephesians 4:16

Itepulu pe iwettok yo'no tamù'nawolon tùpatalo'nan esak pùkkù yamùk tùwessen tùpatasek kon yau tamùkke, molopai tamù'nawolon esak yachichak màlà ichese'muttàpàttok uya, màlà yamùk uya ipùikatànài pe ikussak. Màlàpàk tamù'nawolon ipùkkù uya tùwotokoyi kupù wakù pe, tamù'nawolon esak tùwekassen molopai tùusemokkasen uchi'nùnmantok yai.

Ephesians 4:29

Àli mayin kùsapulàtàu euselupatok kon yau. Pùikattànài neken mayin yapulàtàk kon, iche kulu we'nàtok ne'nài, molopai ewan ipittànài eyetannan pùikattà toppe euselupatok uya.

Ephesians 6:18

Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

Colossians 2:7

I'nak akalatatàk kon Christ yak. Ewemattok kon yapon pe nechii. Molopai meluntà pe lùiwa ewena kon pa ailon tetok auya'nokon yau, eyenupappù kon kasa. Molopai tenki tetok auya'nokon ke anùttàk kon.

1 Thessalonians 5:11

Sàlà kasa iwechipàk eyewan kon yau emeluntàtatàk kon molopai tùwepùikattàik ettàk kon sàlà pe memassatài'nùk kasa

1 Timothy 1:4

Ailon pen panton yamùk molopai tukkan tùtamo kon yesek yamùk pàkànsau tùusàulàmatok kon nonkatoppe tok uya yekamakà, masapùla sàlà uya neken usàulàmantok nepù màlà. Katù wotokoyi ailon tetok yau tùkussen kupù yentai.

2 Timothy 1:5

Ailon kulu ailon tetok auya ittunài Iulà, màlà ailon tetok ànok Lois molopai asan Eunice uya yekkwa. Tùttuyaik kulu itesak pe nàlà ewechi.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

James 2:22

Yene na' auya'nokon pùla nai? Ailon tetok ya molopai iwelaikatok we'wotokoma tamùkke asakklàma, ailon tetok ya wekonekappù màlà wakù pe kulu iwelaikatok pàkàlà.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

1 John 5:4

Masapùla tamù'nawolon kon Katù munkà wechi wolù yeselu yentaikannan yek pe. Sàlà kasaichi màlà wolù yentaika'nokon: ailon tetok kùuya'nokon ke.

Jude 1:3

Utonpa yamùk, tùusenumenkaik kulu kaleta menuka pàk wekkupùppù apyakù'nokon wepùikattàntok Katù nùtùlùppù kùponalok kon pe nai'nàk pàk, tùse emenuka uya làkku sàlà eumeluntàta kon pa ewepanta'ma kon pàk ewechi kon pa ailon tetok ipàk pàkànsau tewin itekkwa neken molopai tamù'nawolon pe Katù uya tùponalok kon lepatok ike.

Revelation 13:10

Ànù'là achintok tak tùutàsen yek utà màlà achintok yak. Ànù'là asa'lon yà kasupala ke tùwàsen yeppe nai'nùk wànà màlà asa'lon yà kasupala ke. Sàlà màlà pàlikantok molopai ailon tetok iche tùwessen Katù ponalok kon kappon yamùk pona,” teppù ya.