Jude 1:19 - Patamuna New Testament Revised

¹⁹ Pùsamloichi mùkyamlo wepantapà'nàtok ku'nàinan, kappon yeselu neken ànkuppai tùwessan, Wakù Akkwalù pùnon.

Jude 1:19 ပူးပေါင်းရင်းမြစ်များ

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

James 3:15

Sàlà yekkwa pukkek màlà epùn poino pen; wolù yawon yeselu màlà, iwekkuppù màlà àli eyeselu kon winàpai, Makui, winàpaino pe iwechi.