Jude 1:12 - Patamuna New Testament Revised

¹² Pùsamlo ku mùkyamlo echitonpa pe tamùkke tùwepiliche auta'letàtok kon yau, kuli'manài nan tùuta'letà kon yau. Tùpàkù'nokon neken tùusenumenkasan. Assetun uya katuppluk yalà konok pùla walainon mùkyamlo. Yei itepelu pùnon walainon mùkyamlo kùyali yemeikatok yattai; yei yamùk ikalakasak kon molopai iwaipùtakassak walai non.

Jude 1:12 ပူးပေါင်းရင်းမြစ်များ

Matthew 13:6

Tùwepakkasak yau wei uya echikili ton kùyali yekkwa yeke'napankappù màlà, molopai i'nak iikalatasak pùla iwechi yau iwaipùtappù.

Matthew 15:13

“Tamù'nawolon yei Ukàipùnù epùn pon nùpàmàppù pen kalaka màlà,” tukaik Jesus uya yeikuppù.

Mark 4:6

Wei wa'mintappù a'nek pe màlà uya yaippùtankappù. Imik utàtok yawàlà pùla iwessak pàk.

Luke 12:45

Tùse yattai pùla apyoto uya tùyiwàlà wate, ‘Tachin pe Uyepulu uyàpù pùla man te,’ teya, molopai tùulon kon apyoto yamùk ippoppàtù pàk iwessa'molùka, kàyik yamùk molopai nossan yamùk, molopai tùuta'lettà pàk iwechi, tùwuku inchi pàk, molopai tùwetùmù pàk.

Luke 16:19

“Molo iwechippù mamin yesak kàyik tùwepontàsen linen molopai epekkek pon yak, molopai wakù pe kulu tùwemassen wei kaichalà.

Luke 21:34

“Enpen uchi ettàk kon! Eke pe uta'lettàntok molopai wetùnnàtok pàk kettàu, molopai salà motau wema'nàtok pàk utaimelunpantok ke kanùttàu, yattai pùla màlà wei uyàpù màlà àpona'nokon asse'ne ittu auya'nokon pùla male kasa.

Luke 8:6

Tùulon kon wessolokappù tàk pon non pona, molopai iwenuttasak yau, iwaipùtappù màlà, masapùla non wechi aikku pe pùla pàk.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

Philippians 3:19

Tok utà màlà mattantok yak. Masapùla eke pe ata'lettàpai tok wettok màlà tok katùyi. Tùwekuli'matok kon yek làkku pàk tùutapulàsan mùkyamlo. Molopai sàlà non pon neken yà'là yamùk là, pàk tùusenumenkasan.

1 Timothy 5:6

Tùse mùkkàlà itayappù iwelichak lùppù iche tùwettok kasa tùwemassen, welikkassak màlà, nulà lànen tùse.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

James 5:5

Talù ewematok kon wechippù man wakù pe tùuseka'nonkaik molopai tùutauchinpaik. Kaiwan pe ewenasak kon man wàntok weyu yattaino pe.