John 8:55 - Patamuna New Testament Revised

⁵⁵ Ittu auya'nokon pùla là man, tùse tùttuyaik. Mùkkàlà ittu uya pùla man te uya yau, akasa'nokon kasei pe wechi màlà. Tùse unùttu mùkkàlà, imaimu yawàlà wettok.

John 8:55 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 10:15

Molopai ukàipùnù uya uyittu kasa nàlà ukàipùnù tùttuyaik. Molopai wematok tùlù uya màlà kalinilu yamùk ponaloppe.

John 15:10

Eyenupatok kon uya kupù auya'nokon yau, pùnùnmantok uya yau ewechi kon màlà, Ukàipùnù uya uyenupatok yawàlà u'nùnmatok ya yau wechippù kasa.

John 15:21

Tùse sàlà yamùk kupù tok uya màlà ewinàkài'nokon uyesek pàkànsau. Masapùla uyeuno'nàippù ittu tùuya'nokon pùla iwechi pàk.

John 16:3

Sàlà yamùk kupù màlà tok uya, masapùla Ukàipùnù wapùla Iulà ittu tùuya'nokon pùla iwechi pàk.

John 17:25

Wakù Ukàipùnù, wolù yawon kon uya lànen eyittu pùla tùse, eyittuyan Iulà, molopai pùsamo uyeunossak auya ittuyan.

John 6:46

Ànù'là uya Ukàipùnù yensak pùla iwechi màlà, tùse mùkkàlà neken Katù winàpaino uya màlà yensak.

John 8:19

Màlàyau tok uya yekamappoppù, “I'nai ken uchi mùkkàlà Àkàipùnù?” tukaik. Jesus uya tok maimu yeikuppù, “Uyittu auya'nokon pùla messatàik, wapùla Ukàipùnù là. Uyittu auya'nokon yau Ukàipùnù nàlà ittu auya'nokon màlà,” tukaik.

John 8:29

Uyeununo'nàippù mùkkàlà upyauwon, tewincha unànnài pen mùkkàlà. Masapùla tàwàlàlà yauchinpanài ku'nài Iulà,” teppù.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

John 8:51

Ailon kulu sàlà, ànù'là umaimu yawolonnà wechi yau, weli'nàtok yene ya pen màlà,” tukaik.

John 8:52

Tok uya ipàk, “Ina nen uchi nùttuyan Makui wechi ayau pe. Abraham welikùppù molopai Katù Maimu yenpoikannan nàlà, tùse ‘Ànù'là umaimu yawàlà tùwessen welikù pen,’ te auya.

Yeunossak kon Wotokoyi 17:23

Masapùla usalà apata kon yawàlà yau, tentai àwàpùlema kon patassek, molopai tepotai molo imenukasak, ‘Tùtusen pen Katù pàk,’ tawon. Mùkkàlà màpùlemayatài'nùk ipàk, ittu auya'nokon pùla là tùse, mùkkàlà yekama uya sàlà àpàkù'nokon,”

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

1 John 1:6

Echitonpa pe ipokonpe ina man tei'ma'nokon, nàlà wema'nà ewalupàttau yau, kasei pe we'nà màlà asakklàma kùmaimu yau molopai welaikantok yau.

1 John 2:22

Ànùk ken uchi mùkkàlà kasei? Mùkyamlo, Jesus mùkkàlà Christ pen, tawonnan. Mùkkàlà wechi màlà Christ yeyaton pe. Asakklàma Kùkàipùnù molopai Imu tawonnan nulunpannan mùkyamlo.

1 John 2:4

“Katù ittunài Iulà,” tawon, tùse suwa ekkà tetok ya maimu yawàlà pùla echii'ma wechi màlà, kasei pe, molopai ailon pùla yau iwechi.

1 John 5:10

Màlàpàk ànù'là ailon tawon Katù Mumu pàk wechi yekamatok tùuya yesappe tewan yau màlà, tùse ànù'là ailon tawon pen Katù pàk uya, kasei pe ikussak màlà, masapùla Katù uselupatok Tùmu pàk pàk ailon tesak ya pùla iwechipàk.

Revelation 3:9

Yetakà, mùkyamlo Settan ponalok kon mùkyamlo kasei ton, Ichu yamùk pe tukaik tùwekkussan Jew yamùk pe pùla echii'ma. Tok kupù uya màlà tok uyàttoppe eyemloto pona, tok wepeimatoppe ayapulà pe. Tamù'nawàlà à'nùnma kon uya ittutoppe tok uya.