John 8:42 - Patamuna New Testament Revised

⁴² Jesus uya tok pàk, “Katù wechi àkàipùnù kon pe yau, u'nùnmatok auya'nokon pan. Masapùla Katù winàpai uyàsak pàk, molopai sàlà pe talà wessaik. Uyiwalà uyàsak pen, tùse mùkkàlà uya uyeunossak.

John 8:42 ပူးပေါင်းရင်းမြစ်များ

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 12:49

Masapùla uyiwalà là uselupa pùn tùse Ukàipùnù uyeuno'nàippù uya yà'là tukaik là molopai yà'là kasa là uselupatok pe suwa kakkà teppù.

John 13:3

Jesus uya ittuppù màlà tùkàipùnù uya tamù'nawolon meluntà tùsak temyak, molopai nàlà tùuyàssak Katù winàpai molopai tùwennappo Katù piyak.

John 14:10

Ailon te auya pùlaichi nai, Ukàipùnù yau wechi molopai Ukàipùnù wechi uyau pàk? Yà'làlà ukayai'nùk àpàkù'nokon màlà uyiwalà là uselupatok pen, tùse Ukàipùnù, uyau nai'nùk mùkkàlà ne'wotokomayai'nùk,” teppù ya.

John 16:30

Ina nen uchi nenyan tamù'nawolon ittu auya. Molopai ànù'là uya eyekamappopàtù iche pùla ewechi. Màlàpàk nen uchi ailon nùkayan ina Katù winàpaino pe ewechi pàk,” teppù.

John 17:25

Wakù Ukàipùnù, wolù yawon kon uya lànen eyittu pùla tùse, eyittuyan Iulà, molopai pùsamo uyeunossak auya ittuyan.

John 17:8

Masapùla màlà enekamappù lùppù upàk yekamappù uya tok pàk, molopai tok uya yanùnsak man. Ailon pe apyapai uyàpùppù ittuyan tok, molopai tok nàlà ailon nùkayan uyeunokoppù auya pàk.

John 3:17

Masapùla sàlà wolù pon kon kappon yamùk talumattàik Katù uya Tùmu yeunokoppù pen màlà, tùse tok wepùikattà toppe làkku yai.

John 5:23

Tamù'nawolon kon uya Imu nama toppe, Ikàipùnù nama tùuya'nokon kasa. Ànù'là Imu namanài pen uya Ikàipùnù yeuno'nàippù nama pe pùla iwechi màlà.

John 5:43

Uyàssak man Ukàipùnù yesek yau, tùse uyanùmù auya'nokon pùla man. Tùse ànù'là uyàssak tùyiwalà tesek yau yanùmù nen uchi auya'nokon màlà.

John 8:14

Jesus uya tok maimu yeikuppù, “Uyiwalà là uponalok pe uselupa tùse ailon màlà uselupatok. Masapùla tùttuyaik i'nai motapai là uyàpùppù, molopai i'nai motak là utà. Tùse imotapai uyàpùppù wapùla imotak utàtok ittutok auya'nokon pùla messatàik.

1 Corinthians 16:22

Ànù'là Itepulu pùnùnmanài pen tàwà pa'nù'nàtok ipo nechii. Maranatha. Àikà Itepulu!

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

1 John 4:14

Molopai yensak kùuya'nokon man molopai yekama man tùulon kon pàk Kùkàipùnù uya Tùmu yeunokoppù sàlà wolù yawon kon pùikattànài pe iwettoppe.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.