John 8:33 - Patamuna New Testament Revised

³³ Tok uya imaimu yeikuppù, “Abraham payanùssan nen ina, yà'là yattai là ànù'là yapyoto pe ina wessak pùla man. Yà'là te ken uchi auya uya màlà, ‘Appyoto pe pùla àkupù,’ te?” tukaik.

John 8:33 ပူးပေါင်းရင်းမြစ်များ

Matthew 3:9

Molopai ‘Abraham mùkkàlà ina kàipùnù’ kùkatàu. Tekamayaik àpàkù'nokon Katù uya nen sàlà yamùk tàk yanuku molopai Abraham munkà yamùk pe ikoneka ya.”

Luke 3:8

“Amakuyi kon winàpai ewelattàsak kon yekama nài ikuttàk kon. Molopai, ‘Abraham mùkkàlà ina kàipùnù,’ kùkatàu eyiwalà'nokon. Yekama uya sàlà àpàkù'nokon, Katù uya màlà sà tàk yamùk yapai Abraham munkà koneka!

John 19:25

Molo Jesus pukapàttok ipona pulusuk piyau satippe ichan wechippù, molopai ichan yakon, Mary Clopas noppù, molopai Mary Magdalene.

John 8:37

Tùttuyaik Abraham payanùssan pe ewechi kon, tùse neichi uwàpai messatàik ko, masapùla umaimu patassek pùla eyewan kon yau iwechi pàk.

John 8:39

Màlàyau tok uya, “Abraham nen mùkkàlà ina kàipùnù,” teppù. Jesus uya tok maimu yeikuppù, “Abraham munkà pe ewechi kon yau, inkupùppù kupù auya'nokon sàlà eppaino.

John 8:43

Yà'là pe iwechi pàk uselupa ittu auya'nokon pùla ewechi kon? Masapùla uselupatok enetapai pùla ewechi kon pàk,” teppù.

Romans 9:7

Molopai tamù'nawolon kon wechi là Abraham munkà yamùk pe, ipayan yamùk pe tùwechi kon pàk pen màlà. Masapùla Katù uya Abraham pàk, “Isaac munkà yamùk molopai ipayan yamùk neken ittu màlà apayan pe,” tesak pàk. {Gen21.12}