John 8:31 - Patamuna New Testament Revised

³¹ Màlàyau Jesus uya ailon tawonnan tùpàk Jew yamùk pàk, “Enupantok uya yawàlà ewechi kon yau, unenupa ton pe kulu ewechi kon màlà.

John 8:31 ပူးပေါင်းရင်းမြစ်များ

Matthew 24:13

Tùse mùkkàlà meluntà pe nai'nùk tùwemapù yawàlàiwenukatok tepose wepùikattà màlà.

John 1:47

Nathanael uyàpù tùwinàkàik yene tùuya yau Jesus uselupappù ipàk, “Yenkà pùsàlà mùkkàlà Israelite kulu, wakù pùsàlà ànù'là yennakanài pen,” tukaik.

John 2:2

molopai tùwemali'masan uya Jesus kà'masak wechippù inenupa ton pokonpe wemali'mantok yak.

John 6:55

Masapùla upun màlà kùyali kulu molopai umùnù màlà tinchisen kulu.

John 8:36

Imu uya àmokkasak kon yau, imokkasak pe ewechi kon màlà apyoto pe làma pùla.

Yeunossak kon Wotokoyi 13:43

Kappon yamùk uya iwepilichak kon nàmà tùpo, Paul molopai Barnabas wenaimappù màlà, Jew yamùk, molopai Gentile yamùk Jew yamùk usenupatok winàkàik iwelattàsak kon uya. Màlàyau tok uya tok yelupappù molopai tok meluntàpappù Katù wettok wakù pe yau tùwemassan pe tok wettoppe.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 26:22

Tùse sàlà wei tepose Katù uya upùikattàsak man, màlàpàk wà'mùssakkasak man talà, unekama yekamase tamù'nawolon kon pàk, echikili ton pàk molopai eke ton pàk ekkaichalà. Tekamayai'nùk sàlà, màlà lùppù, màlà yentak pùla Katù Maimu yenpoikannan molopai Moses uya iwekkupù màlà teppù lùppù:

Romans 11:22

Imasa yentàk kon wakù pe molopai àsà pe Katù wechi. Àsà pe iwechi mùkyamlo iwepantalalùkasak kon pàk, tùse wakù pe iwechi àpàkù'nokon wakù pe iwettok ichentupatok yau lùppù ewechi kon yau. Tùse yau pùla ewechi kon yau amyamlo nàlà wepantalùka màlà.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

1 Timothy 2:15

Tùse ulichan wepùikattà màlà tùumunkàta yai, ailon tetok, uchi'nùnmantok, esuken we'nàtok molopai tùttuik wema'nàtok, wakù pe tipippà tùwaputtàik tùwepontàsen pe tùwechi yau tàwàlà.

1 Timothy 4:16

Tùttuik emakkà molopai kappon yamùk yenupatok auya ike yenkà wakù pe. Sàlà yamùk kupù pàk ekkà, masapùla ikupù auya yau ewepùikattà màlà àmàlà molopai eyetannan nàlà.

2 Timothy 3:14

Tùse àmàlà, ailon eyenupappù lùppù yau molopai ananùmùppù lùppù yau ekkà. Masapùla ànùk yan wechippù eyenupanài pe ittu auya pàk,

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 8:9

“Ikupù pàk wekkupùppù tok tamo yamùk pokonpe, Egypt yapai tok yemyatù pàk tok yalà uya yattaino kasa pùla iwechi màlà. Ikupù pàk wekkupùppù tùpokonpe'nokon yawàlà ailon pe tok wechippù pen, màlàpàk tok winàpai welattàppù màlà,” te.

James 1:25

Tùse mùkkàlà, Law Katù winàpaino yennài echipalà, kappon yamùk pùikattànài àli kuttok yapai yennài molopai yene pàk tùwessen, tùnetappù tùputtà'ka'nùsse pùla tùse iku'nài, mùkkàlà pùlema màlà inkupù yawàlà.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

1 John 2:24

Itekale enetappù kon iweppyattà motapai mùkuttàik eyewan kon yau. Molo eyewan kon yau iwechi yau, ewemapù kon màlà tàwàlà Kùkàipùnù molopai Imu pokonpe.

2 John 1:9

Ànù'là Christ maimu yawà tùwessen pen, tùse tentaikase nemassai'nùk yawàlà pùla wechi màlà Katù pùla. Ànù'là Christ maimu yawà tùwessen wechi màlà Katù Kùkàipùnù molopai Imu tawonnan yesappe.