John 8:28 - Patamuna New Testament Revised

²⁸ Màlàpàk Jesus uya tok pàk, “Kàyik Mumu yekainùnpasak auya'nokon yau, Mùkkàlà pe nen uchi uyittu auya'nokon màlà,’ molopai uyiwalà nàlà yà'là là kupùppù uya pe pùla, tùse Ukàipùnù uya neken uyenupatok pàk uselupappù pe iwechi.

John 8:28 ပူးပေါင်းရင်းမြစ်များ

Matthew 24:5

Masapùla tukkan kon kappon yamùk uyàpù màlà uyesek yau, ‘Christ Iulà!’ tei'ma, molopai tukkan kon kappon yamùk yenkuttà tok uya màlà.

Mark 13:6

“Tukkan kon kappon yamùk uyàpù màlà uyesek yau, màlàyau tok uya màlà, ‘Mùkkàlà Iulà!’ te, molopai tukkan kon kappon yamùk yenkuttà tok uya.

Luke 21:8

Jesus uya wateppù, “Enpen ettàk kon eyennaka kon kùsettak! Masapùla tukkan kon uyàpù màlà uyesek yau, ‘Iulàichi mùkkàlà Christ!’ molopai, ‘Pata weyu uyàssak uchi man!’ tei'ma. Tùse tok ya'là kùtàtàu.

John 11:42

“Tùttutai tàwàlàlà umaimu yetanài àmàlà, tùse wa te uya sàlà pùsamo upyau satippe nai'nannùk uya ailon te toppe uyeunossak auya pàk,” teppù Jesus uya.

John 13:19

Sàlà pe yekama uya sàlà àpàkù'nokon iwekkupù wapiya, iwekkussak yau nen uchi ailon te kon pa Mùkkàlà pe wechi pàk.

John 16:10

Tok usenumenkatok iwalai pen yenpoika ya màlà, masapùla Ukàipùnù piyak utà pàk molopai tok uya uyene pen nen uchi màlà.

John 18:32

Sàlà wekupùppù màlà yà'là yekkwa là weli'nàtok yau tùwelittok yekamappù Jesus uya kasa iwekkuttoppe.

John 19:18

Molo tok uya ipukapàtùppù pulusuk pona. Asa'lon kon nàlà kàyik yamùk pukapàtùppù tok uya ipokonpe, sàwinà'ne molopai Jesus wechippù tok yakkletau.

John 3:11

“Ailon kulu sàlà, ina uselupa màlà tùnùttu kon pàk, molopai tùneneppù kon yekama ina uya, tùse màlà ina nekama yanùmù auya'nokon pùla lùppù man.

John 3:14

Moses uya àkài kalukuli konekasak pùmùssakappù yei pàk, wontaik yau. Màlà kasa làma Kàyik Mumu pùmùsakka màlà pulusuk pona.

John 4:26

Jesus uya ipàk, “Iulà Mùkkàlà eyelupayai'nùk, Mùkkàlà,” teppù.

John 5:19

Jesus uya tok maimu yeikuppù, “Ailon kulu sàlà, Imu uya yà'làlà kupù tùyiwalà pen, tùse Tùkàipùnù uya neken ikupù yene tùuya yau ikupù ya. Yà'làlà Tùkàipùnù nùkupù ku'nài nàlà mùkkàlà Imu.

John 5:30

“Uyiwalà yà'làlà kupù uya pen màlà. Katù uya neken yekama yeta uya pàkàlà màlà ittu uya, màlàpàk ittuntok uya wechi màlà ailon pe. Masapùla uyiwalà iche wettok kupù uya pen sàlà, tùse Ukàipùnù uyeuno'nàippù yeselu kupù uya.

John 6:38

Masapùla epùn poi iyàssak Iulà uyeselu kusse pùla, tùse mùkkàlà uyeuno'nàippù yeselu kusse.

John 8:24

Ewelikù kon màlà amakuyi kon yau teuya nettainùk. ‘Mùkkàlà Iulà’ teuya pàk ailon te auya'nokon pùla ewechi kon yau, ewelikù kon màlà amakuyi kon yau,” tukaik.

John 8:27

Tok uya ittu pùla iwechippù Tùkàipùnù pàk telupa kon ya tùse.

John 8:58

Jesus uya tok pàk, “Ailon kulu sàlà, Abraham wentu wapiya iwemassak lùppù Iulà. Molonnà Iulà,” teppù.

Yeunossak kon Wotokoyi 2:41

Tukkan kon uya ailon teppù Peter uya itekale yekama pàk. Molopai tok usenpataukappù, 3,000 yailà'ne kappon yamùk uya ailon tawonnan tonpattàppù, màlà wei yattai.

Yeunossak kon Wotokoyi 4:4

Tùse tukke kappon yamùk itekale yetan nan nùssan uya ailon teppù, molopai kàyik yamùk neken wenappù 5,000 yailà'ne là.

Romans 1:4

Tùse Wakù Akkwalù uya Jesus, Katù Mumu wechi meluntà yesappe yekamasak, weli'nàtok yapai iwe'wuluukasak winà. Jesus Christ kùyepulu kon.