John 7:39 - Patamuna New Testament Revised

³⁹ Wate tùuya yau ichelupappù màlà Akkwalù pàk, tùpàk ailon tawonnan nepolo woton pàk. Màlà tepose Akkwalù tùsak pùla lùppù iwechippù masapùla Jesus wuluukappù pùla iwechi pàk tùnamatok patassek yak.

John 7:39 ပူးပေါင်းရင်းမြစ်များ

Matthew 16:14

“Tùulon kon John Enpataukanài tawonnan. Tùulon kon Elijah tawonnan, tùulon kon uya Jeremiah te tùse, wapùla tùulonnà Katù Maimu yenpoikanài, tawonnan tùulon kon,” tukaik tok uya yeikuppù.

Matthew 21:11

“Katù Maimu yenpoikanài pùsàlà Jesus, Nazareth Galilee yawon pon,” tukaik tukkan kon kappon yamùk uya yeikuppù.

Luke 24:49

Molopai Ukàipùnù uya itùlù uya màlà teppù lùppù yeunoko uya màlà àpona'nokon Iulà pe. Mùmàmuttàik uchi Jerusalem po meluntà uttà àpona'nokon ponalà,” teppù ya.

Luke 3:16

Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

Luke 7:16

Tamù'nawolon kon usenalippasak wechippù màlà, molopai Katù yapulàppù tok uya. “Eke Katù Maimu yenpoikanài usenpoikasak man kùkklottakù'nokon!” molopai, “Katù uyàssak man tùponalok kon kappon yamùk pùikattàse!” tukaik.

John 1:21

Tok uya yekamappoppù, “Ànùk ken uchi àmàlà Elijah ka' lù?” tukaik. “Kane, mùkkàlà pen Iulà,” teppù ya. “Katù Maimu yekamanài ka' lù?” te tukkappù tok uya. “Kane” tukaik tok maimu yeikuppù ya.

John 1:25

uya yekamappoppù, “Yà'là pe ken uchi iwechi pàk enpataukan auya màlà, Christ pe pùla là echii'ma, Elijah pe pùla là, molopai Katù Maimu yekamanài pe pùla là echii'ma?” tukaik.

John 1:33

Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.

John 12:16

Wapiya sàlà yamùk ittuppù inenupa ton uya pen màlà, tùse Jesus nonkasak namantok patassek yak tùpo, iwelichak we'wuluukasak molopai epùn pona iità tùpo nen uchi tok uya ittuppù. Sàlà yamùk we'menukasak ipàk lùppù molopai sàlà yamùk wekkussak iwinàkàik.

John 12:23

Jesus uya tok maimu yeikuppù, “Wei uyàssak man, mùkkàlà Kàyik Mumu, yanùntok namantok patassek yak yattai.

John 14:13

Molopai yà'làlà yekamappo auya'nokon uyesek yai yau, ikupù uya màlà. Ukàipùnù yapulà toppe Imu winà.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 16:14

Mùkkàlà uya màlà uyapulàtok nepù uponalok yalà tùuya molopai yenpoika tùuya àpàkù'nokon winà.

John 16:7

Tùse ailon kulu sàlà. Wakù wekkuttoppe àponalok kon pe utà sàlà. Utà pùla iwessak yau, Àpùikattànài'nokon uyàpù apyakù'nokon pen. Tùse utàsak yau yeunoko uya màlà apyakù'nokon.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 17:5

Ukàipùnù! sàlà pe eyemlotopo kùnonkak namantok patasek yak, wolù weppyattà wapiya apyau unamatok patassek yak.

John 20:22

Wa te kapù tùpo, iwe'netukkappù tok pona, molopai tok pàk, “Wakù Akkwalù yepotàk kon,” teppù ya.

John 6:14

Jesus uya ittutok ipàkàlà kupù yensak tùuya'nokon yau kappon yamùk uya, “Ailon kulu pùsàlà Katù Maimu Yenpoikanài tùuyàpù woton sàlà wolù yak teppù ipàk lùppù,” teppù.

John 7:12

Tukkan kon kùlottau ipàk tùuselupasan wechippù, “Wakù nen mùkkàlà,” tukaik. Tùse tùulon kon uya, “Kane, kappon yamùk yennakanài mùkkàlà,” teppù.

John 8:54

Jesus uya tok yeikuppù, “Uyiwalà utapulà yau, utapulàtok màlà yà'là pen. Tùse Ukàipùnù, Ukatùyi mùkayatài'nùk ipàk mùkkàlà uyapulànài.

Yeunossak kon Wotokoyi 19:2

Tok yekamappoppù ya, “Wakù Akkwalù na' manùntantàu ailon tawonnan pe ewenasak kon yau?” tukaik. “Wakù Akkwalù wechi molo yekale yetasak là ina uya pùla man,” tukaik tok uya imaimu yeikuppù.

Yeunossak kon Wotokoyi 2:17

‘Sàlà kupù uyaichi màlà pata weyu wenukappù yau. Wakù Akkwalù tùlù uya màlà tamù'nawolon kon kappon yamùk pona. Àmu kon molopai eyenchi kon uya Katù maimu yenpoikatok woton, eyimoinelù kon uya we'neppà'nà kasa yà'làlà yene màlà, molopai ayamokoli kon yamùk we'neppàtù màlà.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Yeunossak kon Wotokoyi 2:38

Peter uya yeikuppù “Elattàtàk kon amyamlo tamù'nawàlà amakuyi kon winàpai, molopai esenpataukatàk kon Jesus Christ yesek yai, màlà yau amakuyi kon pàk usentuppan màlà. Molopai Wakù Akkwalù, Katù uya lepantok yepolo auya'nokon màlà,”

Yeunossak kon Wotokoyi 2:4

Tok wanùpùppù màlà tamù'nawàlà Wakù Akkwalù ke molopai tok wessa'molùkappù tùuselupa kon pàk tùpatalo'nan mayin yamùk yau, Wakù Akkwalù uya tok pùikattàppù tok uselupatoppe.

Yeunossak kon Wotokoyi 3:13

Abraham Katùyi, Isaac Katùyi, molopai Jacob Katùyi, ina tamo yamùk Katùyi uya, wakù apulàntok tùsak sàlà tapyoto Jesus yemyak. Pùsàlà tùlùppù auya'nokon itepulu yamùk yemyak, inulunpappù auya'nokon Pilate yemloto po, inonka pàk lànen iwekkussak tùse.

Yeunossak kon Wotokoyi 4:31

Tok wàpùlema kassak yau, màlà pata tok wettok yau utattù'mappù. Tamù'nawàlà tok wanùssak wechippù Wakù Akkwalù ke molopai tok wepyattàppù Katù yekale yekama pàk meluntà pe.

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

2 Corinthians 3:8

Màlà yentai lùiwa ken na' uchi wakù pe kulu wotoko Akkwalù yau nai'nùk wechi pen?

Ephesians 4:30

Molopai Wakù Katù Yakkwalù kùsewankono'matàu. Masapùla Wakù Akkwalù mùkkàlà Katù wettok eyesak kon pe yentok ipàkàlà Katù uya eyepeppù kon tùlù Weyu ponàlà.