John 7:37 - Patamuna New Testament Revised

³⁷ Tewinan nùppù molopai eke kulu Uta'lettàn weyu yattai Jesus we'wuluukappù, molopai iwentaimeppù eke pe, “Ànù'là tùwe'nakklipasen wechi yau, tàwà nùyàpùi upyak uwuku inchiik!

John 7:37 ပူးပေါင်းရင်းမြစ်များ

Matthew 11:28

“Àittàk kon Upyak, tamù'nawàlà amyamlo eme'nek lotù yalà pàk iichetakkasak kon, molopai elepa kon uya màlà wàlàkka'nàtok ke.

Matthew 3:3

John uchi mùkkàlà Katù Maimu yenpoikanài Isaiah uselupappù ipàk lùppù, “Kappon nentaimeyan wontaik yau, ‘Itepulu Jesus ye'ma ikonekatàk kon iponaloppe! Tossalà asanta ikonekatàk!’ ” tesak ya yau. {Isa 40.3}

Matthew 5:6

“Tùutauchinpasan mùkyamlo iwalai ànkupai kulu tùuseka'nonkasan. Katù uya tok yewan ya'lettà màlà!

John 1:23

John uya yeikuppù Katù Maimu yenpoikanài Isaiah uselupappù ke, “Iulà mùkkàlà tùwentaimesen wontaik yau, tossalà Itepulu ye'ma ikonekatàk kon tawon! ” tukaik.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 4:10

Jesus uya ipàk, “Katù uya lepantok ittu auya yau, molopai ànùk uya tùwuku woton yenna iitu auya yau, ‘Kùwoppakà,’ làkkunne, te auya eppaino. Molopai elepatoppe ya wema'nà tunakkwa ke,” teppù.

John 4:11

Nossan uya ipàk, “uyepulu, yanùntok auya yai pùla kunaik molopai nàlà i'nau tuna yen naikko. I'nai motau ken uchi wema'nà tunakkwa yepolo auya?

John 4:14

Tùse ànù'là sàlà tuna untùlù inchinài we'nakklipa tu'ma pen màlà. Tùse i'nakkwa pe yau iwena, tàwàlàlà iwu'ma molopai tàwàlàlà iwemattok ke ilepa ya,” tukaik.

John 5:40

Tùse upyak àuyàpù kon pùla man wema'nàtok yepolo kon pa.

John 6:35

Jesus uya tok pàk, “Iulà mùkkàlà pùlomù pusak wema'nàtok ke lepanài. Ànù'là uyàssak upyak yau iwapùkkapù pen màlà, molopai ailon tawon upàk we'nakklipa yà'là yattai là pen màlà.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

John 6:55

Masapùla upun màlà kùyali kulu molopai umùnù màlà tinchisen kulu.

John 7:28

Màlàyau enupan lùppù tùuya Katù yùwùk tau yau Jesus wentaimeppù, “Ewaik, kùyittuyatàik, molopai i'nai motapaino pe wechi mùttuyatàik. Uyiwalà pùla talà wechi sàlà, tùse mùkkàlà uyeuno'nàippù mùkkàlà ailon. Mùkkàlà ittu auya'nokon pùla man.

1 Corinthians 10:21

Itepulu kokù yapai inchi auya'nokon molopai àli akkwalù yamùk kokù yapai tu'ma pen nen màlà. Asaklàma, Itepulu uta'lettà yapon molopai àli akkwalù yamùk uta'lettà yapon tawonnan po auta'lettà kon pen nen màlà.

1 Corinthians 10:4

Molopai akkwalù uku inchippù, masapùla tok uya inchippù màlà akkwalù Tàpu ta'là'nokon ittàsak yapai. Molopai màlà Tàk wechippù màlà Christ pe.

1 Corinthians 11:25

Màlà kasa làma kok yanùmùppù ya màlà uta'lettàn tùpo. “Sàlà kok màlà emennak ikupù tùuya tetok Katù uya umùnù yau, sàlàichi mùkuttàik, inchi auya'nokon kaichalà uyittutok auya'nokon ipàkàlà pe,” teppù ya.

1 Corinthians 12:13

Masapùla tamù'nawàlà usenpatauka'nàppà' nokon màlà tewinan Akkwalù yau tewin itesak we'nàtok kon pe, Jew yamùk molopai Jew yamùk pen, tepulu kenan kon molopai tepulu kenan kon pen tukaik, molopai tewinan Akkwalù ke lepa'nàppà' nokon màlà inchitoppe.

Ephesians 5:18

Meluntà tinchisen ke ketùntàu, amattanùpù kon ya neken màlà. Tùse làkku Wakù Akkwalù ke anùttàk kon.

Revelation 21:6

Molopai upàk, “Nenukappàssan! Iulà mùkkàlà Alpha molopai Omega iweppyattàtok molopai iwenukattok. Ànù'là iwe'nakklipasak nai'nùk lepa uya màlà epe'mùn tuna ke wema'nàtok palu yapai.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 22:17

Wakù Akkwalù molopai Ema'non, inoppù woton, “Àikkà!” nùkayan. Tamù'nawolon kon sàlà yetan nan nàlàichi tàwà, “Àikkà!” nùkai. Àikkà, ànù'là iwe'naklipasak nai'nùk, wema'nàtok palu tuna yanùnkà lepantok kasa, ànù'là iche tùwessen.