John 7:35 - Patamuna New Testament Revised

³⁵ Jew yamùk usekamappopàtùppù tùyiwalà'nokon, “I'nai motak ken uchi pùsàlà kàyik utà pe iwechi màlà, tepolo pùla iwettoppe, kùtonpa kon ka' Jew yamùk Greek yamùk kùlottak iwetta'nùssak kon kùlottak lù, Greek yamùk yenupaik?

John 7:35 ပူးပေါင်းရင်းမြစ်များ

Matthew 12:21

Molopai tamù'nawolon kon kappon yamùk Jew yamùk pen uya enpen tùwettok kon tùlù màlà iteseppàk,” tawon.

Luke 2:32

Eye'ma yekamatok auya Jew yamùk pen pàk weyu. Molopai àponalok kon Israel yamùk pona apulàntok ne'nài,” teppù ya.

John 12:20

Uta'lettàntok yattai Katù nama pe yapulàik iitàsak kon kùlottau màlà Greek yamùk tonpa yamùk wechippù.

John 7:1

Sàlà tùpo Jesus utàppù Galilee yawàlà, Judea yawà iitàppù pen masapùla molon kon nà Jew yamùk wechippù imàmuku pàk iwàtoppe tùuya'nokon.

John 8:22

Màlàyau Jew yamùk uya, “ ‘Utàyai'nùk yak àutà kon pen,’ nùkayan. Tùwe'wànà pàk na' wate ya màlà?” teppù.

Yeunossak kon Wotokoyi 11:18

Sàlà yetasak tùuya'nokon yau, tok uya pokonomantok tùuya'nokon yeleutanùpùppù, molopai Katù yapulàppù tok uya, “Katù uya nàlàichi Jew yamùk pen lepasak man, tok welattàtok tùmakuyi kon winàpai Katù winàkàik yattai ke molopai tok wematoppe!” tukaik.

Yeunossak kon Wotokoyi 11:20

Tùse tùulon kon ailon tawonnan, Cyprus molopai Cyrene pon kon utàppù Antioch pona, molopai tok uya Jesus yekale yekamappù Jew yamùk pen pàk nàlà.

Yeunossak kon Wotokoyi 14:1

Iconium po, Paul molopai Barnabas tawonnan utàppù màlà Jew yamùk wepilittok itak tak. Molopai tok uselupappù wakù pe. Màlàyau tukke Jew yamùk molopai Jew yamùk pen wenappù ailon tawonnan pe Jesus pàk.

Yeunossak kon Wotokoyi 17:4

Tùulon kon uya ailon teppù Paul molopai Silas maimu pàk molopai tok tonpa pe tok wenappù. Molopai nàlà tukke Greek yamùk Katù naman nan, molopai tukke nossan yamùk tùnamasan wenappù Paul molopai Silas tonpa pe.

Yeunossak kon Wotokoyi 18:4

Jew yamùk molopai Greek yamùk pokonpe tùuseipàtù pàk iwechippù màlà ailon tetok pe tok uya, Wàlàkka'nàtok weyu yattai'ne Jew yamùk wepilittok itak tau.

Yeunossak kon Wotokoyi 21:21

Eyekale yetasak tok uya man, tamù'nawolon kon Jew yamùk yenupa pàk ewechi, Jew yamùk pen patassek yau tùwemassan, Moses winàpaino enupantok nonka toppe tok uya, molopai tùmunkà kon yattà tok uya pùla iwettoppe Jew yamùk yattàtok yeselu yawàlà.

Yeunossak kon Wotokoyi 22:21

‘Itàkà, eyeunoko uya sàlà mei Jew yamùk pen kùlottak,’ teppù ya upàk.

Romans 1:16

Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

1 Timothy 2:7

Màlàpàk uchi sàlà uyeunossak kappon yamùk Jew yamùk pen yenupanài pe molopai ailon yekale yekamase. Ailon pe uselupa sàlà, kasei pe wechi pen!

2 Timothy 1:11

Katù uya uyanùnsak man Wakù Itekale yekama toppe uya yeunossak molopai enupanài kasa,

James 1:1

Sàlà kaleta màlà James, Katù molopai Itepulu Jesus Christ yapyoto winàpaino. “Wakù pe na' messatàu?” tetok tamù'nawolon kon12 pan kon ikkok Katù ponalok kon kappon yamùk, iwetta'nùssak kon piyak inmenukappù.

1 Peter 1:1

Peter, yeunossak lùppù Jesus Christ winàpaino sàlà kaleta, Katù nanùmùssan kappon yamùk tùwemassan kaklan pe tùwetta'nùse pata yamùk: Pontus, Galatia, Cappadocia, Asia, molopai Bithynia yawolon kon piyak immenukappù sàlà.