John 7:33 - Patamuna New Testament Revised

³³ Jesus uya tok pàk, “Masa malalà apyau'nokon wechi sàlà molopai wennapo màlà uyeuno'nàippù piyak.

John 7:33 ပူးပေါင်းရင်းမြစ်များ

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

John 13:1

Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 13:3

Jesus uya ittuppù màlà tùkàipùnù uya tamù'nawolon meluntà tùsak temyak, molopai nàlà tùuyàssak Katù winàpai molopai tùwennappo Katù piyak.

John 13:33

Umunkà yamùk, apyau'nokon wechi sàlà malalà. Uyiwa auya'nokon màlà, yekama uya sàlà àpàkù'nokon, Jew yamùk pàk yekamappù uya kasa, ‘Utàyai'nùk yak àutà kon pen màlà,’

John 14:12

Ailon kulu sàlà, ànù'là ailon nùkayai'nùk upàk uya nàlà tùkussai'nùk kupù màlà. Sàlà yamùk yentaino kon nùiwa là kupù ya màlà. Masapùla Ukàipùnù piyak utà sàlà.

John 14:19

Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

John 14:28

Yetasak auya'nokon man àpàkù'nokon, ‘Utà sàlà molopai uyàpù tu'ma màlà apyakù'nokon,’ teuya. À'nùn kon pe ukupù auya'nokon yau, autauchinpa kon màlà Ukàipùnù piyak utà pàk, masapùla Ukàipùnù mùkkàlà eke uyentaino.

John 16:10

Tok usenumenkatok iwalai pen yenpoika ya màlà, masapùla Ukàipùnù piyak utà pàk molopai tok uya uyene pen nen uchi màlà.

John 16:28

Ukàipùnù piyapai uyàpùppù màlà wolù yak. Sàlà yattai wolù nàmà uya sàlà molopai wennappo Ukàipùnù piyak,” teppù Jesus uya.

John 16:5

“Tùse utà sàlà mùkkàlà uyeuno'nàippù piyak. Tùse ànù'là amyamlo uya i'nai yailà là utà yekamappo pùn.

John 17:11

Wolù yau wechi pe pùla man talàpai, apyak uyàpù sàlà. Tùse pùsamlo wechi lùppù màlà wolù yau. Wakù Ukàipùnù, tok imainanpakà eyesek meluntàlù yau, uyesek ulepatok auya winà. Tewin tok wettoppe tùtonpa kon pokonpe, tewin we'nà àpokonpe nai'nùk kasa.

John 17:13

Molopai uyàssaik apyak sàlà pe, sàlà yamùk te uya sàlà wolù yau lùppù echii'ma, eke pe kulu uwinon utauchinpantok wettoppe tok yau.

John 20:17

Jesus uya ipàk, “Kùyachii, masapùla Ukàipùnù piyak utàppù pùla lùppù man, tùse itàkà, utonpa yamùk pàk yekamata, ‘Utà sàlà Ukàipùnù piyak molopai Àkàipùnù kon piyak, molopai Ukatùyi molopai Akatùyi kon piyak!’ ” teppù.

John 9:4

Uyeuno'nàippù wotokoyi kupù'nokon sàlà akkwa pe iwechi kùlottau. Ewalupà nùyàssan ànù'là we'wotokomatok yattai pen.