John 6:68 - Patamuna New Testament Revised

⁶⁸ Màlàyau Simon Peter uya imaimu yeikuppù, “Uyepulu, ànùk piyak uchi ina utà? Apyau nen mayin man tàwàlàlà wema'nàtok ke lepanài.

John 6:68 ပူးပေါင်းရင်းမြစ်များ

Matthew 16:16

Simon Peter uya yeikuppù, “Yeunossak àmàlà Christ, tàwàlàlà tùwemassen Katù Mumu,” tukaik.

Mark 8:29

“Amyamlo nen? Ànùk mùkayatàu nen upàk?” tukaik tok yekamappoppù ya. Peter uya imaimu yeikuppù, “Christ nen àmàlà,” tukaik.

Luke 9:20

“Amyamlo nen? Ànùk mùkayatàu nen upàk?” tukaik tok yekamappoppù ya. Peter uya yeikuppù, “Katù winàpaino nen àmàlà Christ,” tukaik.

John 12:49

Masapùla uyiwalà là uselupa pùn tùse Ukàipùnù uyeuno'nàippù uya yà'là tukaik là molopai yà'là kasa là uselupatok pe suwa kakkà teppù.

John 12:50

Molopai tùttuyaik iichelupatok uya tàwàlàlà wema'nàtok tùlù. Màlàpàk yà'làlà tukaik uselupa màlà Ukàipùnù uya upàk yekamappù yawàlà,” teppù Jesus uya.

John 17:8

Masapùla màlà enekamappù lùppù upàk yekamappù uya tok pàk, molopai tok uya yanùnsak man. Ailon pe apyapai uyàpùppù ittuyan tok, molopai tok nàlà ailon nùkayan uyeunokoppù auya pàk.

John 5:24

“Ailon kulu sàlà, mùkkàlà umaimu yetayai'nùk molopai ailon nùkayai'nùk uyeuno'nàippù pàk wechi màlà tàwàlàlà wema'nàtok yesappe. Italumattàtok yak itùlù pen màlà, tùse weli'nàtok yentakasak ya màlà wema'nàtok yak.

John 6:40

Masapùla Ukàipùnù wechi màlà, tamù'nawolon kon Tùmu yennài molopai ailon tawonnan ipàk uya tàwàlàlà wema'nàtok yepolo iche. Molopai tok wuluuka uya màlà wema'nàtok yak tewinanùppù wei yattai,” teppù.

John 6:63

Akkwalù mùkkàlà wema'nàtok ke lepanài, esak nen màlà yà'là pen. Uselupayai'nùk màlà Akkwalù molopai wema'nàtok ke lepanài.

Yeunossak kon Wotokoyi 13:26

“Utonpa yamùk, Abraham payan nùssan, molopai Jew yamùk pen talà Katù yapulàn nan, kùponalok pe màlà sàlà wepùikattàntok yekale yeunossak!

Yeunossak kon Wotokoyi 4:12

Wepùikattàntok wessepolo màlà mùkkàlà neken winà. Masapùla ànù'là yesek pùla iwechi màlà sàlà non po Katù nùtùlùppù kappon yamùk piyak wepùikattàntok iwinà pe,” tukaik.

Yeunossak kon Wotokoyi 5:20

“Itàtàk kon Katù yùwùk tak à'mùssakkatan tàk kon, molopai sàlà emennak wema'nàtok yekamatantàk kon kappon yamùk pàk,” teppù ya.

Yeunossak kon Wotokoyi 7:38

Moses mùkkàlà wontaik yau iwessak lùppù iwepilichak kon kappon yamùk pokonpe, kùtamo kon yamùk pokonpe iwechippù molo. Molopai inchelù tùpokon pe ichelupasak lùppù Sinai Tùpù po, Katù Maimu nulà nan yepoloppù ya tekamasen pe iwettoppe kùpàkù'nokon.

Yeunossak kon Wotokoyi 8:37

Philip uya wateppù ipàk, “Eusenpataukaichi màlà ailon te auya tamù'nawàlà eyewan ke yau,” teppù ya. “Ailon ukayaik, Jesus Christ wechi Katù Mumu pe pàk,” tukaik imaimu yeikuppù ya.