John 6:62 - Patamuna New Testament Revised

⁶² Yà'là pe ken ewechi kon Kàyik Mumu wenuku wapiya yau tùwechippù yak yene auya'nokon yau?

John 6:62 ပူးပေါင်းရင်းမြစ်များ

Matthew 8:20

Jesus uya yeikuppù, “Maikan yamùk mùkyamlo teuta kenan kon, molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” tukaik.

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

Luke 24:51

Tok pùlema ya tùse tok nàmàppù ya, yanùmùppù màlà Epùn pona.

John 16:28

Ukàipùnù piyapai uyàpùppù màlà wolù yak. Sàlà yattai wolù nàmà uya sàlà molopai wennappo Ukàipùnù piyak,” teppù Jesus uya.

John 17:11

Wolù yau wechi pe pùla man talàpai, apyak uyàpù sàlà. Tùse pùsamlo wechi lùppù màlà wolù yau. Wakù Ukàipùnù, tok imainanpakà eyesek meluntàlù yau, uyesek ulepatok auya winà. Tewin tok wettoppe tùtonpa kon pokonpe, tewin we'nà àpokonpe nai'nùk kasa.

John 3:13

Ànù'là kappon utàsak epùn pona pùla man tùse Kàyik Mumu neken iyàssak lùppù epùn poi,” tukaik.

John 6:27

Eyeipa kon iwa pàk neken ke'wotokomatàu tùumattasen màlà, tùse e'wotokomatàk kùyali tàwàlàlà tùwemassen yepolo kon pa. Kàyik Mumu uya sàlà kùyali ke elepa kon màlà. Masapùla Katù, Ikàipùnù uya sàlà yentok ipàkàlà tùsak màlà yanùnnsak tùuya yenpoikanài pe,” teppù.

John 6:42

Tok usekamappopàtùppù, “Joseph mumu ken na' Jesus pen pùsàlà? Ikàipùnù molopai ichan tawonnan ken na' kùnùttu kon pen? Yà'là kasa ken uchi, ‘epùn poi iyàssak Iulà,’ te ya nai'nùk?” tukaik.

John 6:53

Jesus uya tok pàk, “Ailon kulu sàlà, Kàyik Mumu pun yannài pe pùla ewechi kon molopai imùnù inchinài pe pùla ewechi kon yau, wema'nàtok pùla iwechi màlà ayau'nokon.

Yeunossak kon Wotokoyi 1:9

Wa te ya tùpo Jesus yanùmùppù màlà Epùn pona tok uya yene tùse, molopai katuppluk uya yonamùppù tok yenu winàpai.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.