John 6:39 - Patamuna New Testament Revised

³⁹ Molopai sàlàichi màlà Uyeuno'nàippù yeselu, tamù'nawà ulepatok kon ya lachima uya pen màlà, tùse tamù'nawàlà tok wuluuka uya màlà wema'nàtok yak tewinanùppù wei yattai.

John 6:39 ပူးပေါင်းရင်းမြစ်များ

Matthew 10:15

Ailon kulu sàlà, Ittuntok Weyu yattai Katù usentuppa màlà eke peiwa Sodom molopai Gomorrah pon kon pàk, màlà pata yawon kon kappon yamùk pàk tùusentuppa yentai!” teppù Jesus uya.

Matthew 18:14

Màlà kasa làma Àkàipùnù kon epùn pon wechi màlà pùsamlo echikili ton tonpa utatù iche pùla,” teppù ya.

Luke 12:32

“Kesenalippatàu uchi umunkà yamùk lùkkwà! Masapùla Katù Akàipùnù kon utauchinpasak man elepa kon pàk itepulu pe tùwettok ke.

John 12:48

Ànù'là unulunpanài molopai umaimu yanùnnài pen kottùmanài wechi màlà molo. Mayin unekamappù wechi màlà ikottùmanài pe wei wenukassak yattai.

John 17:12

Tok piyau wechi yau, tok mainanpappù uya uyesek ulepatok auya winà. Ànù'là we'lachimappù pen tok kùlottapai, tùse tewinannà mùkkàlà tùumattasen yek, màlà Katù Maimu yau iwe'menukasak lùppù wekkuttoppe.

John 17:2

Tamù'nawolon kon kappon yamùk yepoi apàikkek ke ilepasak auya man, mùkyamlo temyak àntùlùssan lepa toppe ya tàwàlàlà wema'nàtok ke.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 17:6

“Eyenpoikasak uya man mùkyamlo wolù yapai ulepatok kon auya yemyak. Àponalok pe tok wechippù màlà, molopai tok ke ulepappù auya. Molopai amaimu yawàlà tok wessak man.

John 17:9

“Tok pona wàpùlema sàlà. Tùse Wolù ponalok kon pona wàpùlema pen sàlà, tùse mùkyamlo ulepatok kon auya pona. Masapùla àponalok kon mùkyamlo.

John 18:9

Sàlà wekkupùppù màlà iichelupappù lùppù wekkutoppe “Tewin nà ulepatok kon auya tonpa lachima uya pùn,” tawon.

John 5:28

Kesenumenkatàu kulu sàlà pàk, pata weyu nùyàssan, tamù'nawàlà uluwaik yawon kon uya imaimu yetatok yattai.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

John 6:40

Masapùla Ukàipùnù wechi màlà, tamù'nawolon kon Tùmu yennài molopai ailon tawonnan ipàk uya tàwàlàlà wema'nàtok yepolo iche. Molopai tok wuluuka uya màlà wema'nàtok yak tewinanùppù wei yattai,” teppù.

John 6:44

Ànù'là uyàpù upyak pen màlà, tùse Ukàipùnù uyeuno'nàippù uya neken tok nessak yau, tok wuluuka uya màlà wema'nàtok yak tewinanùppù wei yattai.

John 6:54

Ànù'là upun yannài molopai umùnù inchinài wechi màlà tàwàlàlà wema'nàtok yesappe, molopai iwuluuka uya màlà wema'nàtok yak tewinanùppù wei yattai.

Romans 8:11

Wakù Akkwalù iwinàpaino, Jesus uluukanàippù wema'nàtok yak wechi ayau'nokon yau, mùkkàlà Kùlaik uluukanàippù weli'nàtok yapai wema'nàtok yak, uya nàlà tùumattasen eyesak lepa màlà wema'nàtok ke Wakù Akkwalù nemassai'nùk ayau'nokon winà

1 Corinthians 6:14

Tùmeluntàlù winà Katù uya Itepulu wuluukappù màlà weli'nàtok yapai, molopai kùwuluuka kon ya nàlà màlà.

2 Timothy 2:19

Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà: