John 6:14 - Patamuna New Testament Revised

¹⁴ Jesus uya ittutok ipàkàlà kupù yensak tùuya'nokon yau kappon yamùk uya, “Ailon kulu pùsàlà Katù Maimu Yenpoikanài tùuyàpù woton sàlà wolù yak teppù ipàk lùppù,” teppù.

John 6:14 ပူးပေါင်းရင်းမြစ်များ

Matthew 11:3

“Ina pàk yekamakà, àmàlà ken na' mùkkàlà, wapùla ka' tùulon màmuku ina uya màlà lù?” tukaik Jesus yekamappoppù tok uya.

Matthew 21:11

“Katù Maimu yenpoikanài pùsàlà Jesus, Nazareth Galilee yawon pon,” tukaik tukkan kon kappon yamùk uya yeikuppù.

Luke 24:19

“Yà'là yamùk uchi?” tukaik, tok yekamappoppù ya. “Màlà yamùk uchi Jesus Nazareth pon pàk iwekkussak lùppù,” tukaik tok uya yeikuppù. “Pùsàlà kàyik wechippù màlà Katù Maimu yenpoikanài pe. Katù nùttu, molopai kappon yamùk nùttu, meluntà pe imaimu yau molopai iwotokoyi yau.

Luke 7:16

Tamù'nawolon kon usenalippasak wechippù màlà, molopai Katù yapulàppù tok uya. “Eke Katù Maimu yenpoikanài usenpoikasak man kùkklottakù'nokon!” molopai, “Katù uyàssak man tùponalok kon kappon yamùk pùikattàse!” tukaik.

John 1:21

Tok uya yekamappoppù, “Ànùk ken uchi àmàlà Elijah ka' lù?” tukaik. “Kane, mùkkàlà pen Iulà,” teppù ya. “Katù Maimu yekamanài ka' lù?” te tukkappù tok uya. “Kane” tukaik tok maimu yeikuppù ya.

John 11:27

Martha uya Jesus pàk, “Ewaik, Uyepulu, ailon ukayaik àpàk! Àmàlà Mùkkàlà Christ, Katù Mumu, wolù yak tùuyàpù woton teppù ipàk lùppù,” teppù.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 4:19

Nossan uya ipàk, “ uyepulu, Katù Maimu yenpoikanài pe ewechi pe tùttuyaik,” teppù.

John 4:25

Nossan uya ipàk, “Mùkkàlà nen Messiah tùttuyaik,” Christ tukaik tesassen uyàpù. “Tùuyàssak yau tamù'nawolon yekama ya màlà ina pàk,” teppù.

John 4:42

tok uya nossan pàk, “Ina nen uchi ailon nùkayan yekamasak auya pàk neken pùla, tùse tùyiwalà'nokon nen uchi ina netapàssan molopai ina nùttuyan sàlà wolù Pùikattànài pe kulu iwechi pe,” teppù.

John 6:2

Ilinà kappon yamùk uya iwenaimappù màlà masapùla ittutok ipàkàlà pe palan pokon kon ipittàya yensak tùuya'nokon pàk.

John 6:26

Jesus uya tok pàk, “Ailon kulu sàlà, uyiwappù auya'nokon màlà ittutok ipàkàlà kupù uya yensak auya'nokon pàk pùla, tùse tùwenukasse pùlomù pusak pàk auta'lettàsak kon pàk.

John 6:30

Tok uya yekamappoppù, “Yà'là ken uchi ittutok ipàkàlà kupù auya ina uya yentoppe, molopai ailon tetoppe ina uya àpàk? Yà'là ku'nài ken àmàlà?

John 7:40

Iichelupa yetasak tùuya'nokon yau, tùulon kon kappon yamùk uya “Ailon pe làichi Katù Maimu yenpoikanài pe iwechi pe man,” teppù.

Yeunossak kon Wotokoyi 7:37

Moses mùkkàlà kappon yamùk Israel pon kon pàk, ‘Katù uya màlà tùmaimu yenpoikanài yeunoko apyakù'nokon uyeunossak tùuya nai'nùk kasa, àtonpa kon kùlottapai,’ tawon nùppù.