John 6:11 - Patamuna New Testament Revised

¹¹ Jesus uya pùlomù pusak yanùmùppù, tenki teppù ya Katù pàk, molopai tùnenupa ton yemyak itùlùppù ya kappon yamùk lepatoppe tok uya. Màlà kasa lùppù molok kupùppù ya, molopai tamù'nawolon kon uta'lettàppù iche tùwettok kon kasa.

John 6:11 ပူးပေါင်းရင်းမြစ်များ

Matthew 15:36

Màlàyau 7 pan pùlomù pusak molopai molok tawon yanùmùppù ya, tenki teppù ya, molopai nen uchi ipilipàtùppù ya, molopai ta'lon kon yemyak itùlùppù ya. Molopai ya'lon kon uya kappon yamùk yemyak itùpàtùppù.

Luke 24:30

Iweleutappù màlà kùyali yapon piyau tok pokonpe, pùlomù pusak yanùmùppù ya, ipùlemappùya. Màlà tùpo ipilipàtùppùya, tok yemyak nen uchi itùpàtùppù ya.

John 21:10

Jesus uya tok pàk, “Molok sàlà pe anachippù kon tonpa enettàk kon,” teppù.

John 21:13

Jesus uyàpùppù, pùlomù pusak yanùmùppù ya molopai itùlùppù ya tok yemyak molopai molok tukka.

John 21:9

Tùwepalùkasak kon yau, tok uya apok yalàn po molok yeneppù molopai pùlomù pusak yamùk nàlà.

John 6:23

Tiberias poi tùulon kon kanau yamùk uyàpùppù màlà pùlomù pusak napùppù ilinà kappon yamùk uya, tenki te Itepulu Jesus uya tùpo motak.

John 6:9

“Talà walawok muleppù man 5 pan paali yapai ikonekasak pùlomù pusak, molopai asa'lon kon molok yamùk lùkkwà ipyau man, tùse pùsamo kappon yamùk kaichalà pùla iwechi,” teppù.

Yeunossak kon Wotokoyi 27:35

Sàlà te tùpo, Paul uya pùlomù pusak yanùmùppù tenki teppù ya Katù pàk, tamù'nawàlà tok yemloto po, molopai ipilikappù ya, molopai tùuta'lettà pàk iwessa'molùkappù.

Romans 14:6

Mùkàlà pata weyu tonpa ittunài eke pe uya ikupù màlà Itepulu yapulàtok iwinà pe, mùkkàlà ta'mù'nawolon na'nài molopai yannài uya ikupù màlà Itepulu yapulàtok iwinà pe, masapùla tenki tawon mùkkàlà Katù pàk kùyali pona. Mùkkàlà tùulon nà kùyali nulunpanài uya ikupù màlà Itepulu yapulàtok iwinà pe, molopai tenki tawon mùkkàlà Katù pàk.

1 Corinthians 10:31

Yà'làlà kupù auya'nokon yau, auta'lettà kon wapùla àwuku kon nà inchi auya'nokon pe iwechi yau, tamù'nawolon ikuttàk kon Katù yapulà auya'nokon pe.

1 Thessalonians 5:18

Tenki tukaik mettàik tamù'nawolon yau. Sàlà màlà Katù wettok ikupù auya'nokon iche, ewematok kon Christ Jesus ponaloppe ewemattok kon yau.