John 5:7 - Patamuna New Testament Revised

⁷ E'nek kàyik uya imaimu yeikuppù, “itepulu, ànù'là upùikattà woton pùla man, tuna laikasak kùlottau ikak unonka woton. Utàiche wechi tùse tùulonnà mùkkàlà uwapiyakkanài,” tukaik.

John 5:7 ပူးပေါင်းရင်းမြစ်များ

John 5:2

Molo Jerusalem po, tuna wechippù màlà Kalinilu Mùlatta piyau, Hebrew Maimu yau, Bethesda tukaik tesassen. 5 pe wewonnàtok yai wechippù màlà tùwapu ke'nan.

John 5:3

Màlà motau tukke e'nek ton wechippù enpùnon, tùusasan pen, molopai iitokkassak kon. [Tuna welaika màmuku pàk tok wechippù.

John 5:4

Masapùla tùulon yattai'ne là Itepulu inchelùyi uttàpàtùppù màlà tunappai kak tuna laikapàsse. Mùkkàlà wapiya ilaikasak tùpo ikak iitàsak lùppù uchipittàppù màlà i'nai yekkwa pe là iwechi tepalan yapai.]

John 5:6

Molo aittoupe iwechi yene tùuya yau Jesus uya tachin pe màlà kasa molo iwechippù pe ittuppù. Màlàyau, “Echipittàpai na' messan?” teppù ya ipàk.

Romans 5:6

Masapùla attu'mùla ipùikattànài pùla we'nà'nokon yau, Christ welikùppù màlà àli ton ponaloppe, Katù nanùmùppù ikuttok tùuya yattai pe yattai.

1 Corinthians 9:24

Ittuiche auya'nokon pùla nai wapplùnnàtok yau tamù'nawàlà tùwapplùnsan wapplùmù, tùse tewinnan neken uya tepeppù yepolo? Màlàpàk uchi aitun pe itàtàk eyepeppù kon yepolo kon pa.