John 5:6 - Patamuna New Testament Revised

⁶ Molo aittoupe iwechi yene tùuya yau Jesus uya tachin pe màlà kasa molo iwechippù pe ittuppù. Màlàyau, “Echipittàpai na' messan?” teppù ya ipàk.

John 5:6 ပူးပေါင်းရင်းမြစ်များ

Luke 18:41

“Yà'là kupù uya iche messan àponalok pe?” tukaik. “Itepulu, pata enenpai tu'ma wessaik,” tukaik yeikuppù ya.

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

John 5:5

Molo kàyik wechippù tachin pe 38 pe kilichimochi e'neppe iwessak lùppù.

John 5:7

E'nek kàyik uya imaimu yeikuppù, “itepulu, ànù'là upùikattà woton pùla man, tuna laikasak kùlottau ikak unonka woton. Utàiche wechi tùse tùulonnà mùkkàlà uwapiyakkanài,” tukaik.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.