32 Tùse tùulon molo man tùuselupasen upàk, molopai ailon pe upàk ichelupatok wechi ittunài Iulà.
Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.
Molopai nen uchi mayin uya epùn poi, “Pùsàlà mùkkàlà u'nùn kulu Umu, utauchinpatok kulu ipàk,” teppù.
Màlàyau mayin usetappù epùn poi, “Àmàlà mùkkàlà u'nùn Umu. Wakù pe kulu Uyauchinpanài,” tukaik
Molopai Wakù Akkwalù uttàppù ipona wakokkwa kasa, molopai mayin uyàpùppù epùn poi, “Àmàlà mùkkàlà Umu kulu. Uyewan yailon Uyauchinpanài,” tukaik.
Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.
Molopai tùttuyaik iichelupatok uya tàwàlàlà wema'nàtok tùlù. Màlàpàk yà'làlà tukaik uselupa màlà Ukàipùnù uya upàk yekamappù yawàlà,” teppù Jesus uya.
Kappon yamùk wechi uyekamannan pe iche kulu pùla wessaik, tùse sàlà yekama uya sàlà ewepùikattà kon pa.