John 5:25 - Patamuna New Testament Revised

²⁵ Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.

John 5:25 ပူးပေါင်းရင်းမြစ်များ

Luke 15:24

Masapùla pùsàlà umu welichak wechippù màlà, tùse nen uchi sàlà pe pàli'yau man. Iitassak wechippù màlà tùse iwesseposak man!’ teppù ikàipùnù uya. Màlà yau nen uchi tok wessa'molùkappù màlà tùuta'lettà kon pàk.

Luke 15:32

Tùse uta'lettàn uchi sàlà molopai utauchinpan. Masapùla ayakon welichak wechippù màlà, tùse nen uchi sàlà pe pàli'yau man. Iitassak wechippù màlà tùse sàlà pe iwesseposak man,’ teppù ya,” teppù Jesus uya.

Luke 9:60

Jesus uya yeikuppù, “Tàwà iwelichak kon tàkàpù kon wu'nattài. Itàkà molopai Katù wettok itepulu pe yekamata,” tukaik yeikuppù ya.

John 13:1

Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 4:21

Jesus uya ipàk, “Nossan, ailon kakkà upàk, pata weyu nùyàssan màlà yattai sàlà wùk po wapùla Jerusalem po Ukàipùnù nama pe yapulà pen nen uchi màlà.

John 4:23

Pata weyu nùyàssan molopai iyàkkassak man ailon pe yapulànnan uya Ukàipùnù nama pe yapulà màlà, ailon pe molopai takkwalù kon ke, masapùla mùkyamlo yekkwa ton tùnama pe tapulànnan iche màlà Katù wechi.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 5:28

Kesenumenkatàu kulu sàlà pàk, pata weyu nùyàssan, tamù'nawàlà uluwaik yawon kon uya imaimu yetatok yattai.

John 6:60

Yeta tùuya'nokon yau tukkan kon inenupa ton uya, “Sa'man pe kulu sàlà enupantok man. Ànùk uya ken yanùmù?” teppù.

John 8:43

Yà'là pe iwechi pàk uselupa ittu auya'nokon pùla ewechi kon? Masapùla uselupatok enetapai pùla ewechi kon pàk,” teppù.

John 8:47

Katù ponalok kon mùkyamlo Katù Maimu yetannan. Tùse iponalok pe pùla ewechi kon pàk màlà yeta auya'nokon pùla iwechi,” teppù Jesus uya tok pàk.

John 9:27

Tok maimu yeikuppù ya, “Tekamakapùi kuichi àpàkù'nokon tà, tùse yeta auya'nokon pùn. Yà'là pe ken uchi iwechi pàk enetatu'mapai messatàu? Inenupa ton pe ka' enapai messatàu lù?” tukaik.

Romans 6:4

Usenpataukantok kon winà uchi màlà, kùwu'nattàsakù'nokon ipokonpe molopai iwelittok pùkkù pe we'nà'nokon, Christ uluukappù nai'nùk weli'nàtok yapai wakù kulu kùkàipùnù kon meluntàlù winà, kasa làma kùmàlà nàlà , wemapù màlà emennak wema'nàtok yau.

Ephesians 2:1

Pena ewelichak kon wechippù màlà, Katù Maimu yawàlà pùla ewettok kon molopai amakuyi kon pàkàlà.

Ephesians 2:5

Weli'nàsak wechippù mayin yawàlà pùla we'nàtok yau tùse kùnepùppù ya màlà nulà we'nàtok yak Christ wuluuka tùuya winà. Katù wettok wakù pe winà mà ewepùikattàsak kon màlà tà.

Ephesians 5:14

Masapùla akkwa màlà tamù'nawolon yà'làlà weyuttànài yentoppe. Màlàpàk, “Apakakà tùwe'nùnsen, e'wuluukakà weli'nàtok yapai! Molopai Christ uya màlà eweyuttà ,” tesak màlà.

Colossians 2:13

Ewelichak kon wechippù màlà masapùla tùmakuyi ke ewechi kon pàk, molopai Katù ponalok kon pe pùla ewechi kon pàk. Tùse Katù uya pàli'yau amasak kon màlà Christ pokonpe! Katù usentupasak màlà tamù'nawolon kùmakuyi kon pàk.

Revelation 3:1

“ Sardis pon Sochi inchelùyi piyak sàlà imenukakà: “Sàlàichi màlà itekale mùkkàlà 7 pan akkwalù yamùk Katù winàpaino molopai 7 pan chilùkà yamùk yesak winàpaino. Ànkupù tùttuyaik, nulà kappon yamùk uya eyittu tùse, ewelichak man.”