John 5:20 - Patamuna New Testament Revised

²⁰ Masapùla Ikàipùnù uya màlà Tùmu pùnùnma molopai tamù'nawàlà tùnkupù yenpoikasak ya itemyak. Molopai sàlà yentaino kon lùiwa yenpoika ya màlà ikuttoppe ya, màlàpàk eusenumenka pa.

John 5:20 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Matthew 3:17

Molopai nen uchi mayin uya epùn poi, “Pùsàlà mùkkàlà u'nùn kulu Umu, utauchinpatok kulu ipàk,” teppù.

Matthew 4:8

Màlàyau nen uchi Makui uya Jesus yalàppù kawon kulu wùk pona, molopai tamù'nawolon itepulu pe itepoi we'nàtok non pon kon yenpoikappù ya, molopai eke pe màlà yamùk wettok yau.

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 10:32

Jesus uya tok pàk, “Tukke eke ton wotoko yamùk Ukàipùnù winàpaino yenpoikasak uya man eyemyakù'nokon. I'nai kulu sàlà yamùk wenai uwàpai ewechi kon nai'nùk?” teppù.

John 14:12

Ailon kulu sàlà, ànù'là ailon nùkayai'nùk upàk uya nàlà tùkussai'nùk kupù màlà. Sàlà yamùk yentaino kon nùiwa là kupù ya màlà. Masapùla Ukàipùnù piyak utà sàlà.

John 15:15

Sàlà motapai apyoto yamùk pe, eyesatù kon uya pen sàlà, masapùla tepulu uya yà'làlà kupù ittunài pen mùkkàlà apyoto. Tùse eyesassak kon uya màlà uwechi yakon non tukaik, masapùla tamù'nawàlà Ukàipùnù winàpai unùttuppù ittu kon pa ikussak uya màlà.

John 17:26

Eyittutoppe tok uya ikussak uya man molopai eyittutoppe lùppù là tok uya ikupù pàk wechi màlà, u'nùnmatok auya wettoppe tok yau, molopai Iulà pe tok yau wettoppe,” tukaik iwàpùlemappù.

John 3:35

Ikàipùnù uya Tùmu pùnùnma màlà, molopai tamù'nawolon tùsak ya màlà itemyak.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 5:25

Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.

John 5:29

Molopai tok we'wuluuka màlà uluwaik yapai, mùkyamlo wakù ku'nàinan nùssan we'wuluuka màlà wema'nàtok yak. Molopai mùkyamlo àli ku'nàinan nùssan we'wuluuka màlà wettalumattàntok yak,” teppù Jesus uya.

2 Peter 1:17

Molo ina wechippù wùk po namantok molopai itakkwayi ke ilepasak Katù Ikàipùnù uya yattai, mayin uyàpù ipyak eke itakkwayi yau epùn poi yattai, “Pùsàlà mùkkàlà u'nùn kulu Umu, uyauchinpanài kulu!” tukaik.